(vovworld) – ​ແຕ່​ວັນ​ທີ 28 – 30/11, ສະຖານ​ກົງ​ສູນ​ໃຫຍ່ ຫວຽດນາມ ປະຈຳ Perth ​ໄດ້​ສົມທົບ​ກັບ​ບັນດາ​ຄູ່​ຮ່ວມ​ມື ອົດ​ສະ​ຕາ​ລີ ຈັດ​ຕັ້ງ​ບັນດາ​ເຫດການ​ວັດທະນະທຳ ​ເນື່ອງ​ໃນ​ໂອກາດ​ສະ​ເຫຼີ​ມສະຫຼອງ 40 ປີ​ແຫ່​ງວັນ​ສ້າງ​ຕັ້ງ​ການ​ພົວພັນ​ທາງ​ການ​ທູດ ຫວຽດນາມ - ອົດ​ສະ​ຕາ​ລີ (1973 – 2013). ​ເປີດ​ສາກ​ບັນດາ​ເຫດການ​ນີ້​ແມ່ນ​ພິທີ​ສະ​ເໜີ​ຕົວ​ຄະນະ​ສິລະ​ປະສະ​ແດງ​ລະຄອນ​ຕຸກ​ກະ​ຕາ​ນ້ຳ ທັງ​ລອງ ຢູ່​ນະຄອນ Canning. ວັນ​ທີ 29/11, ສະຖານກົງສູນ​ໃຫຍ່ ຫວຽດນາມ ປະຈຳ Perth ສົມທົບ​ກັບ​ບໍລິສັດ​ສິລະ​ປະ Spinifex ຈັດ​ຕັ້ງ “ຄຳ່​ຄືນ ຫວຽດນາມ - ອົດ​ສະ​ຕາ​ລີ”, ດ້ວຍ​ການ​ເຂົ້າຮ່ວມ​ສະ​ແດງ​ສິລະ​ປະ​ຂອງ​ບັນດາ​ນັກ​ສິລະ​ປິນຄະນະ​ສິລະ​ປະ ທັງ​ລອງ ​ແລະ ກຸ່ມ​ດົນ​ຕີ Mesa ຢູ່ ອົດ​ສະ​ຕາ​ລີ ຕາ​ເວັນ​ຕົກ.

    ກ່າວ​ຄຳ​ເຫັນ​ໃນ​ບັນດາ​ການ​ເຄື່ອນ​ໄຫວ​ຊຸມ​ວັນ​ວັດທະນະທຳ ຫວຽດນາມ ປະຈຳ Perth, ທ່ານ​ຫົວໜ້າ​ສະຖານກົງສູນ​ໃຫຍ່ ​ເລ​ວຽດຢວຽນ ຢັ້ງຢືນ​ວ່າ: ​ເລື່ອງ​ເພີ່ມ​ທະວີ​ການ​ເຄື່ອນ​ໄຫວ​ພົວພັວ​ແລກປ່ຽນ, ການ​ຮ່ວມ​ມື​ວັດທະນະທຳ ຈະ​ຊ່ວຍ​ໃຫ້​ປະຊາຊົນ ອົດ​ສະ​ຕາ​ລີ ​ເຂົ້າ​ໃຈ​ຢ່າງ​ເລິກ​ເຊິ່ງກ່ຽວ​ກັບປະ​ເທ​ດຊາດ, ຊາວ ຫວຽດນາມ ​ແລະ ພື້ນຖານ​ວັດທະ​ນະ​ທຳ ອັນ​ຍາວ​ນານ, ​ເຕັ້​ມ​ໄປ​ດ້ວຍ​ສີສັນ​ຂອງ ຫວຽດນາມ, ປະກອບສ່ວນ​ເພີ່ມ​ທະວີ ​ແລະ ​ເຮັ​ດ​ໃຫ້ການ​ພົວພັນ​ຄູ່​ຮ່ວມ​ມື​ຮອບດ້ານ​ລະຫວ່າງ 2 ປະ​ເທດ​ເລິກ​ເຊິ່ງກ່ວາ​ອີກ.