ອີຢີບປະກາດຕັດການພົວພັນທາງ​ການ​ທູດ​ກັບ​ຊີຣີ

(ພາບ:vietnamplus.vn)

(vovworld)- ວັນທີ 16/6, ລັດຖະບານຊີຣີ ໄດ້ຕຳນິຕິຕຽນເລື່ອງອີຢີບ ຕົກລົງຕັດການພົວພັນສອງຝ່າຍ ແລະ ໜູນຫລັງໃຫ້ແກ່ກຳລັງຝ່າຍຄ້ານຢູ່ຊີຣີ. ລັດຖະບານຊີຣີ ກ່າວຫາຂໍ້ຕົກລົງທີ່ “ບໍ່ມີຄວາມຮັບຜິດຊອບ” ຂອງປະທາ ນາທິບໍດີອີຢີບ Mohamed Morsi ​ໃນ​ການ​ຕັດ​ການ​ພົວພັນ​ທາງ​ການ​ທູດ​ກັບ Damacus ​ແລະ ນັບທັງ​ການ​ຮຽກຮ້ອງ​ໃຫ້​ປະຊາ​ຄົມ​ໂລກ​ສ້າງຕັ້ງ​ເຂດ​ຫ້າມ​ບິນ​ຢູ່​ຊີ​ຣີ. ຕາມ​ລັດຖະບານ​ຊີ​ຣີ ​ແລ້ວ, ​ເລື່ອງ​ທ່ານ Mohamed Morsi ຮຽກຮ້ອງ​ໃຫ້​ປະຊາ​ຄົມ​ໂລກສ້າງຕັ້ງ​ເຂດ​ຫ້າມ​ບິນ​ຢູ່​ຊີ​ຣີ ​ແມ່ນ​ການ​ກະທຳ​ລະ​ເມີດ​ອະທິປະ​ໄຕ​ເຂດ​ດິນ​ແດນ​ຂອງ​ຊີຣີ ຢ່າງ​ຮ້າຍ​ແຮງ, ພຽງ​ແຕ່​ຮັບ​ໃຊ້​ໃຫ້​ແກ່​ຜົນ​ປະ​ໂຫຍ​ດຂອງ​ອາ​ເມ​ລິ​ກາ ​ແລະ ບັນດາ​ປະ​ເທດ​ພັນທະ​ມິດ​ເທົ່າ​ນັ້ນ.

  ​ໃນ​ຂະນະ​ນັ້ນ, ໜັງສືພິມ Der Spiegel (​ແວ່ນ​ແຍງ) ຂອງ​ເຢຍລະ​ມັນ ສະບັບ​ອອກ​ວັນ​ທີ 16/6 ​ໄດ້​ໃຫ້​ຂ່າວ​ວ່າ: ອາຣາບີ ຊາ​ອຸ​ດີ ມີ​ແຜນການ​ສະໜອງບັນດາ​ລູກ​ສອນ​ໄຟ​ໃຫ້​ຝ່າຍ​ຄ້ານ​ຊີຣີ ​ເພື່ອ​ຮັບ​ມື​ກັບ​ກຳລັງ​ປ້ອງ​ກັນ​ອາກາດ​ຂອງ​ປະທານາ ທິບໍດີ Bashar al Assad. ອຳນາດ​ການ​ປົກຄອງ​ຂອງປະທານາ ທິບໍດີ Bashar al Assad ມີຄວາມ​ວິຕົກ​ກັງວົນ​ຕໍ່​ກຳລັງ​ດັນ​ຈາກ​ພາຍ​ນອກ, ພິ​ເສດ, ກ່ອນ​ໜ້ານັ້ນ, ອາ​ເມ​ລິ​ກາ​ ໄດ້​ໃຫ້​ຄຳໝັນສັນຍາ​ເພີ່ມ​ການ​ອຸປະຖຳ​ດ້ານ​ການ​ທະຫານ​ໃຫ້​ແກ່​ຝ່າຍ​ຄ້ານ​ຊີຣີ ​ໃນ​ຂະນະ​ທີ່​ອີ​ຢູ ຕົກລົງ​ລົບ​ລ້າງ​ຄຳ​ສັ່ງ​ຂວ້ຳບາດ​ດ້ານອາວຸດສຳລັບ​ກຳລັງ​ນີ້, ສ່ວນລັດຖະບານ​ອີຣານ ​ໄດ້​ຮັບຮອງ​ເອົາ​ຂໍ້​ຕົກລົງຜັນ​ຂະຫຍາຍ​ທະຫານ​ຂຶ້ນ​ກັບກຳລັງ​ປະຕິວັດ​ອິດ​ຊະລາ​ມອີຣານ 4000 ຄົນ ​ໄປ​ຍັງ​ຊີຣີ ​ເພື່ອ​ໜູນ​ຊ່ວຍ​ລັດຖະບານ​ຂອງປະທານາທິບໍດີ Bashar al Assad.