ບັນດາຜູ້ແທນເຂົ້າຮ່ວມກອງປະຊຸມສຳມະນາ
|
(vovworld)-ບັນດາສິ່ງທ້າທາຍສຳລັບການຄ້ຳປະກັນສະບຽງອາຫານ ແລະ ແຫລ່ງນ້ຳຢູ່ເຂດລຸ່ມແມ່ນ້ຳຂອງ ແລະບົດບາດຂອງເຕັກໂນໂລຊີແມ່ນຫົວຂໍ້ຂອງກອງປະຊຸມສຳມະນາຫາກໍຖືກຈັດຂຶ້ນຢູ່ນະຄອນຫລວງ ວິຊິງຕັນ ສະຫະລັດ ອາເມລິກາ ໂດຍມີການເຂົ້າຮ່ວມຂອງຜູ້ຕາງຫນ້າບັນດາປະເທດໃນພາກພື້ນ, ກະຊວງການຕ່າງປະເທດພ້ອມກັບຫລາຍອົງການ ແລະ ວິສາຫະກິດ ອາເມລິກາ. ນີ້ແມ່ນກອງປະຊຸມສຳມະນາທຳອິດກ່ຽວກັບວິທະຍາສາດ ແລະ ເຕັກໂນໂລຊີ ໃນຂອບເຂດຂໍ້ລິເລີ່ມເຂດລຸ່ມແມ່ນ້ຳຂອງ, ຊື່ງແມ່ນຮູບແບບຄູ່ຮ່ວມມືລະຫວ່າງ ອາເມລິກາ, ຫວຽດນາມ, ໄທ, ກຳປູເຈຍ, ລາວ ແລະ ມຽນມາ ເພື່ອຮັບມືກັບສິ່ງທ້າທາຍກ່ຽວກັບນະໂຍບາຍ ແລະ ການພັດທະນາ. ທີ່ກອງປະຊຸມສຳມະນາ, ບັນດານັກວິທະຍາສາດຍົກອອກບັນດາສິ່ງທ້າທາຍໃນການຄ້ຳປະກັນສະບຽງອາຫານ ແລະ ແຫລ່ງນ້ຳ, ພິເສດແມ່ນຄວາມຕ້ອງການກ່ຽວກັບເຕັກໂນໂລຊີແກ້ໄຂ ແລະ ສະຫນອງແຫລ່ງນ້ຳໃນສະພາບການຜະລິດກະສິກຳສວມບົດບາດສຳຄັນໃນພື້ນຖານເສດຖະກິດຂອງບັນດາປະເທດໃນພາກພື້ນ. ຕາມບັນດານັກວິທະຍາສາດແລ້ວ, ພ້ອມກັບວິວັດການດັດປັບການວາງແຜນກຳນົດ ແລະ ນະໂຍບາຍ, ເລື່ອງຮີບດ່ວນປະຈຸບັນ ແມ່ນຊອກຫາ ແລະ ໝູນໃຊ້ບັນດາເຕັກໂນໂລຊີຮັກສາແຫລ່ງນ້ຳໃຫ້ເໝາະສົມກັບເງື່ອນໄຂພັດທະນາຂອງພາກພື້ນ. ທ່ານ ເຈີນງອກກາ, ຫົວຫນ້າຫ້ອງການວິທະຍາສາດ ເຕັກໂນໂລຊີ, ສະຖານທູດຫວຽດນາມ ປະຈຳ ອາເມລິກາ ໃຫ້ຮູ້ວ່າ:
“ບັນຫາທີຫນຶ່ງ ແມ່ນເງື່ອນໄຂທຳມະຊາດ, ບັນຫາທີສອງ ແມ່ນໝູນໃຊ້ບັນດາເຕັກໂນໂລຊີທີ່ຈຳເປັນເພື່ອສາມາດສຳພັດກັບແຫລ່ງນ້ຳສະອາດກວ່າ ຫລືເຮັດໃຫ້ແຫລ່ງນ້ຳບໍ່ສະອາດປານໃດກາຍເປັນແຫລ່ງນ້ຳສະອາດ. ນີ້ແມ່ນຈຸດໝາຍຊື່ງຫວຽດນາມພວມມຸ່ງໄປເຖິງ.”
ເຍີດກີງ, ຮູຍຮ່ວາງ, ນັກຂ່າວ vov ປະຈຳ ອາເມລິກາ