ການປະທະກັນລະຫວ່າງທະຫານລັດຖະບານ ແລະ ກຳລັງຊີຮີ ຍັງຄົງເກີດຂຶ້ນຢ່າງດຸເດືອດ
(ພາບ: baomoi.com)

(vovworld) – ວັນ​ທີ 27/4, ລັດຖະມົນຕີ​ຖະ​ແຫຼ​ງຂ່າວ​ຊີ​ຮີ Omran al –Zohbi, ​ໃຫ້​ຮູ້​ວ່າ, ​ເລື່ອງ​ອາ​ເມ​ລິ​ກາ ​ແລະ ອັງກິດ​ກ່າວ​ຫາ​ອຳນາດ​ການ​ປົກຄອງ Damacus ນຳ​ໃຊ້​ອາວຸດ​ເຄມີນັ້ນ ​ແມ່ນ​ບັນດາ​ຖະ​ແຫຼ​ງການ​ທີ່​ຂັດ​ແຍ່ງ​ກັບ​ຄວາມ​ຈິງ ​ແລະ ​ແມ່ນ “ຄຳ​ເວົ້າ​ຕົວະ​ຢ່າງ​ເປີດ​ແປນ“. ທ່ານ​ຢືນຢັນ​ວ່າ​ຊີ​ຮີ​ ບໍ່​ນຳ​ໃຊ້​ອາວຸດ​ເຄມີ​ຢ່າງ​ເດັດຂາດ, ​ເພາະ​ຊີ​ຮີ​ ບໍ່​ພຽງ​ແຕ່ເຄົາລົບ​ກົດໝາຍ​ສາກົນ ​ແລະ ຫຼັກການ​ສົງຄາມ​ເທົ່າ​ນັ້ນ, ຫາກ​ຍ້ອນ​ບັນດາ​ບັນຫາ​ມະນຸດສະທຳ ​ແລະ ຄຸນສົມບັດ​ອີກ​ດ້ວຍ. ທ່ານລັດຖະມົນຕີ​ Zohbi, ​ໃຫ້​ຮູ້​ວ່າ, ລັດຖະບານ​ຊີ​ຮີ ບໍ່​ເຊື່ອ​ໝັ້ນ​ບັນດາ​ນັກ​ກວດກາ​ສະຫະ​ປະຊາ​ຊາດ​ທີ່​ມາ​ຈາກ​ອາ​ເມ​ລິ​ກາ ​ແລະ ອັງກິດ. ທ່ານ​ກໍ່​ໃຫ້​ຮູ້​ຕື່ມ​ອີກ​ວ່າ Damacus ​ໄດ້​ເຫັນ​ດີ ​ໃຫ້​ບັນດາ​ນັກ​ກວດກາ​ຂອງ​ລັດ​ເຊຍ​ ດຳ​ເນີນ​ການ​ສືບສວນ ​ແລະ ຢັ້ງຢືນ​ເລື່ອງ​ນຳ​ໃຊ້​ອາວຸດ​ເຄມີ​ຢູ່​ຊີ​ຮີ.