ປະຊາຊົນທີ່ຖືກຜົນສະທ້ອນຈາກ ໄພນ້ຳຖ້ວມ ຢູ່ Sindh, ປະກິດສະຖານ ໃນວັນທີ 19/9/2022 (ພາບ:AFP/TTXVN)

ອົງການມະນຸດສະທຳ ສປຊ ກ່າວເຕືອນວ່າ, ໃນ 3 ເດືອນຈະມາເຖິງ, ປະຊາຊົນ ປາກິດສະຖານ ປະມານ 5,7 ລ້ານຄົນຈະຕ້ອງປະເຊີນໜ້າກັບວິກິດການສະບຽງອາຫານທີ່ຮ້າຍແຮງພາຍຫຼັງໄພນ້ຳຖ້ວມຄັ້ງປະຫວັດສາດ. ໄພນ້ຳຖ້ວມຍ້ອນຝົນຕົກໜັກຜິດປົກກະຕິໃນລະດູຝົນປີນີ້ຢູ່ ປາກິດສະຖານ ໄດ້ເຮັດໃຫ້ປະຊາຊົນເກືອບ 1.700 ຄົນເສຍຊີວິດ, ສົ່ງຜົນກະທົບເຖິງປະຊາຊົນ 33 ລ້ານຄົນ, ເຮັດໃຫ້ເຮືອນຊານບ້ານຊ່ອງຖືກເປ່ເພກ່ວາ 2 ລ້ານຫຼັງ, ເຮັດໃຫ້ປະຊາຊົນນັບແສນໆຄົນຕ້ອງຢູ່ໃນຕູບ ຫຼື ເຮືອນຢູ່ຊົ່ວຄາວ. ໃນບົດລາຍງານໄດ້ປະກາດສະບັບຫຼ້າສຸດ, ຫ້ອງການປະສານງານບັນດາບັນຫາມະນຸດສະທຳຂອງ ສປຊ (OCHA) ສະແດງຄວາມວິຕົກວັງວົນວ່າໄພນ້ຳຖ້ວມອາດຈະເຮັດໃຫ້ສະພາບຂາດຄວາມໝັ້ນຄົງດ້ານສະບຽງອາຫານຢູ່ ປາກິດສະຖານ ໜັກໜ່ວງຂຶ້ນຕື່ມ ແລະ ປະຊາຊົນປະມານ 5,7 ລ້ານຄົນຢູ່ບັນດາເຂດຖືກຜົນກະທົບຕ້ອງປະເຊີນໜ້າກັບວິກິດການດ້ານສະບຽງອາຫານໃນໄລຍະແຕ່ເດືອນກັນຍາ ຫາເດືອນ ພະຈິກ.

        ລັດຖະບານ ປາກິດສະຖານ ຄາດວ່າຜົນເສຍຫາຍໂດຍໄພນ້ຳຖ້ວມກໍ່ຂຶ້ນອາດຈະຂຶ້ນເຖິງຈຳນວນເງິນ 30 ຕື້ USD, ເສັ້ນທາງຫຼາຍສາຍຖືກພັງທະລາຍ, ຂົວປະມານ 440 ແຫ່ງຖືກທຳລາຍ, ຄົມມະນາຄົມທາງລົດໄຟຖືກຕັດຕອນ. ລັດຖະບານ ປາກິດສະຖານ ຕີລາຄາແຫຼ່ງສະສົມເຂົ້າບາເລຂອງປະເທດນີ້ຍັງພຽງພໍດີຮອດລະດູການເກັບກ່ຽວຕໍ່ໄປຢູ່, ແຕ່ພວມມານະພະຍາຍາມເພື່ອນຳເຂົ້າຕື່ມອີກເພື່ອແກ້ໄຂສະພາບການໃນປະຈຸບັນ.