ຊາວຕ່າງປະເທດຮູ້ສຶກປິຕິຊົມຊື່ນເມື່ອໄດ້ຕ້ອນຮັບບຸນເຕັດຢູ່ຫວຽດນາມ

ຈິດຕະກອນຍິງ ຊາວ ແຟງລັງ ທ່ານນາງ Sofia Kukkonen ມາເຮັດວຽກຢູ່ ຫວຽດນາມ ແຕ່ເດືອນສິງຫາປີ 2017 ໃຫ້ຮູ້ວ່າ: ນີ້ເປັນຄັ້ງທຳອິດເອື້ອຍໄດ້ຕ້ອນຮັບບຸນເຕັດ ຢູ່ຫວຽດນາມ, ຊຸມມື້ໃກ້ບຸນເຕັດ ເອື້ອຍ ພ້ອມກັບໝູ່ເພື່ອນເລາະຫລິ້ນ, ຊົມບັນຍາກາດກະກຽມບຸນເຕັດຢູ່ຕາມຖະຫນົນຫລາຍສາຍຢູ່ຮ່າໂນ້ຍ ແລະ ຮູ້ສຶກວ່າມີຄວາມປະທັບໃຈທີ່ສຸດ. ສ່ວນອ້າຍ Luke Basford  ມາຈາກ ອັງກິດ ປະຈຸບັນ ແມ່ນຄູສອນຢູ່ໂຮງຮຽນສາກົນ ຫວຽດນາມ ອົດສະຕາລີ ຢູ່ ຮ່າໂນ້ຍ ໃຫ້ຮູ້ວ່າ: ບຸນເຕັດປີນີ້ ອ້າຍຈະໄປທ່ອງທ່ຽວຢູ່ເກາະ ຟູກວັກ ແລະ ເຂົ້າຮ່ວມບັນຍາກາດຕ້ອນຮັບບຸນເຕັດຂອງປະຊາຊົນຢູ່ເກາະແຫ່ງນີ້.

ສ່ວນອ້າຍ Bobby Webber ຊາວອົດສະຕາລີ  ຊື່ງແມ່ນຄູສອນຢູ່ ສູນພາສາຕ່າງປະເທດ ແອງເຢືອງ ຮ່າໂນ້ຍ ແບ່ງປັນວ່າ: ຊຸມມື້ບຸນເຕັດ ຂ້າພະເຈົ້າໄດ້ຮັບປະທານບັນດາເຍື່ອງອາຫານຫວຽດນາມ ທີ່ແຊບນົວ, ພິເສດແມ່ນເຂົ້າຕົ້ມ. ເມື່ອລົງຖະຫນົນ ອ້າຍເຫັນວ່າບັນຍາກາດແມ່ນຄຶກຄື້ນມ່ວນຊື່ນທີ່ສຸດ.