(vovworld) – ເນື່ອງໃນໂອກາດບຸນປີໃໝ່ປະຈຳຊາດ ປີວອກ 2016, ຕອນຄ່ຳວັນທີ 17/01, ຢູ່ນະຄອນ Auckland, ປະເທດນິວຊີແລນ, ສະຖານທູດຫວຽດນາມ ປະຈຳນິວຊີແລນ ໄດ້ຈັດງານພົບປະສ້າງສັນເພື່ອຕ້ອນຮັບບຸນປີໃໝ່ປະຈຳຊາດຂອງຫວຽດນາມ. ທ່ານເອກອັກຄະລັດຖະທູດຫວຽດນາມ ປະຈຳນິວຊີແລນ ຫງວຽນຫວຽດຢຸງ ປາດຖະໜາວ່າ, ປະຊາຄົມຊາວຫວຽດນາມ ອາໄສຢູ່ນິວຊີແລນ ເວົ້າລວມ ແລະ ຢູ່ Auckland ເຂົ້າສະເພາະ ສືບຕໍ່ສາມັກຄີ ແລະ ໜູນຊ່ວຍເຊິ່ງກັນແລະກັນ, ຮັກສາວັດທະນະທຳ, ພາສາ ແລະ ສີສັນ ຊາດ, ອວຍໜ້າເມືອຫາບ້ານເກີດເມືອງນອນ, ຮ່ວມແຮງຮ່ວມໃຈສ້າງສາປະເທດຫວຽດນາມ ໃຫ້ຮັ່ງມີ, ເຂັ້ມແຂງ, ພ້ອມທັງເປັນຂົວຕໍ່ຊຸກຍູ້ການພົວພັນມິດຕະພາບ ແລະ ການຮ່ວມມືຮອບດ້ານລະຫວ່າງຫວຽດນາມ ແລະ ນິວຊີແລນ ໃຫ້ນັບມື້ນັບດີງາມ. ທ່ານເອກອັກຄະລັດຖະທູດ ຫງວຽນຫວຽດຢຸງ ໃຫ້ຮູ້ວ່າ, ປີ 2015, 2 ປະເທດໄດ້ຈັດພິທີສະເຫຼີມສະຫຼອງ 40 ປີແຫ່ງວັນສ້າງຕັ້ງການພົວພັນທາງການທູດ ດ້ວຍການເຄື່ອນໄຫວສະເຫຼີມສະຫຼອງຫຼາຍຢ່າງຢູ່ແຕ່ລະປະເທດ, ພົ້ນເດັ່ນທີ່ສຸດແມ່ນການແລກປ່ຽນຄະນະຜູ້ແທນຂັ້ນສູງ ດ້ວຍການຢ້ຽມຢາມນິວຊີແລນ ຂອງທ່ານນາຍົກລັດຖະມົນຕີ ຫງວຽນເຕີນຢຸງ ແລະ ການຢ້ຽມຢາມຫວຽດນາມ ຂອງທ່ານນາຍົກລັດຖະມົນຕີ John Key ຢ່າງເປັນທາງການ. ຜ່ານນັ້ນ, 2 ຝ່າຍໃຫ້ຄຳໝັ້ນສັນຍາຊຸກຍູ້ການຮ່ວມມືຢ່າງແທດຈິງກວ່າອີກໃນທຸກຂົງເຂດບຸລິມະສິດ ເຊິ່ງ 2 ຝ່າຍມີຄວາມຕ້ອງການ, ມີຄວາມສາມາດບົ່ມຊ້ອນ ແລະ ມີທ່າແຮງ.