(vovworld) - ຕອນຄ່ຳວັນທີ 08/01, ສະໂມຊອນຂອງສູນສິລະປະນະຄອນ Toronto, ການາດາ ໄດ້ຮັບການປະດັບປະດາດ້ວຍດອກໄມ້, ໄຟແສງສີ ເພື່ອຕ້ອນຮັບຊາວຫວຽດນາມ ອາໄສຢູ່ການາດາ ນັບຮ້ອຍຄົນເຂົ້າຮ່ວມລາຍການບຸນປີໃໝ່ປະຊາຄົມ. ນີ້ແມ່ນຄັ້ງທຳອິດທີ່ປະຊາຄົມຊາວຫວຽດນາມ ອາໄສຢູ່ນະຄອນ Toronto ໄດ້ເຂົ້າຮ່ວມລາຍການພົບປະແລກປ່ຽນວັດທະນະທຳ, ສະແດງສິລະປະທີ່ເຂັ້ມຂົ້ນໄປດ້ວຍສີສັນບຸນປີໃໝ່ປະຈຳຊາດຂອງຫວຽດນາມ, ດ້ວຍການເຂົ້າຮ່ວມຂອງຄະນະສິລະປະກອນໂຮງລະຄອນ ຕວຍແຈ ທີ່ມາຈາກຫວຽດນາມ. ລາຍການໂດຍສະຖານທູດຫວຽດນາມ ປະຈຳການາດາ ແລະ ສະມາຄົມການາດາ ຫວຽດນາມ ສົມທົບກັນຈັດຕັ້ງ.
ປະຊາຄົມຊາວຫວຽດນາມ ປະຈຳ Toronto ໄດ້ຮັບຊົມລາຍການສະແດງທີ່ເປັນເອກະລັກສະເພາະຂອງສິລະປະກອນໂຮງລະຄອນ ຕວຍແຈ ດ້ວຍການເຊີດສິງໂຕ ຢ່າງຟົດຟື້ນ.