ການແຫ່ຂະບວນປະທ້ວງຢູ່ຍີ່ປຸ່ນ
(ພາບ: Vietnam+)
(vovworld)- ຕອນບ່າຍວັນທີ 11/5, ຊາວຫວຽດນາມ ແລະ ຊາວຕ່ວປະເທດອາໄສຢູ່ຍີ່ປຸ່ນ ກ່ວາ 500 ຄົນໄດ້ຈັດການແຫ່ຂະບວນປະທ້ວງແຫ່ຄັດຄ້ານເລື່ອງຈີນໄດ້ຕັ້ງຮ້ານເຈາະນ້ຳມັນຢ່າງຜິດກົດໝາຍຢູ່ເຂດໄຫຼ່ທະວີບ ແລະ ເຂດເສດຖະກິດຈຳເພາະຂອງຫວຽດນາມ. ນັກຂ່າວໂທລະພາບ NHK, ANN ພ້ອມກັບໜັງສືພິມຕ່າງໆຂອງຍີ່ປຸ່ນ ໄດ້ເຮັດຂ່າວ, ສຳພາດຜູ້ ແຫ່ຂະບວນປະທ້ວງ ສະແດງໃຫ້ເຫັນຄວາມສົນໃຈຢ່າງເລິກເຊິ່ງຂອງຫາງສຽງຍີ່ປຸ່ນຕໍ່ການຜັນແປທີ່ເຄັ່ງຕຶງໃນປະຈຸບັນຢູ່ທະເລຕາເວັນອອກ.
ການແຫ່ຂະບວນປະທ້ວງຄັ້ງຕ່າງໆຂອງຊາວຫວຽດນາມ ອາໄສຢູ່ອາເມລິກາ ໄດ້ດຳເນີນໄປໃນທົ່ວປະເທດອາເມລິກາ ເພື່ອຄັດຄ້ານການກະທຳຂອງຈີນ. ທ່ານ ດາວິດໂຮ່, ປະທານສະມາຄົມນັກທຸລະກິດຫວຽດນາມ ຢູ່ອາເມລິກາ ສະແດງວ່າ:
“ເຂົາເຈົ້າໄດ້ຕັ້ງຮ້ານເຈາະນ້ຳມັນໃນເຂດໄຫຼ່ທະວີບຂອງຫວຽດນາມ ຢ່າງບັງອາດ ເມີນເສີຍເຖິງກົດໝານສາກົນ. ການກະທຳຄືແນວນັ້ນແມ່ນເປີດແປນທີ່ສຸດ, ຂ້າພະເຈົ້າໂກດແຄ້ນທີ່ສຸດກັບເລື່ອງນີ້ ແລະ ຫວັງວ່າ, ປະຊາຊົນຫວຽດນາມ ທຸກຄົນຈະສາມັກຄີກັນເພື່ອປົກປັກຮັກສາຜືນແຜ່ນດິນອັນຄົບຖ້ວນຂອງພວກເຮົາ “.
ທ່ານຫງວຽນແມ້ງຮຸ່ງ, ສາດສະດາຈານນະໂຍບາຍການທູດອາເມລິກາ, ມະຫາວິທະຍາໄລ George Maison ຖືວ່າ:
“ຈີນ ໄດ້ແຜນການ, ມີຍຸດທະສາດໄລຍະຍາວເພື່ອແນໃສ່ຊອກຫາວິທີຍຶດຄອງທະເລຕາເວັນອອກນັບແຕ່ດົນແລ້ວ ແລະ ນີ້ແມ່ນບາດກ້າວຕໍ່ໄປໃນວິວັດການນີ້. ເຂົາເຈົ້າຢາກເຮັດທົດລອງເພື່ອເຫັນວ່າຫວຽດນາມ ສາມາດຮັບມືຄືແນວໃດ ແລະ ປະຈຸບັນເຂົາເຈົ້າພວມໄດ້ຮັບການຄັດຄ້ານຈາກຫຼາຍປະເທດ. ນີ້ແມ່ນການກະທຳເປີດແປນ, ລະເມີດເຂດເສດຖະກິດຈຳເພາະຂອງຫວຽດນາມ“.
ການແຫ່ຂະບວນປະທ້ວງຢູ່ເຢັຍລະມັນ
(ພາບ:Lienhiepnguoiviet)
ສ່ວນປະຊາຄົມຊາວຫວຽດນາມ ອາໄສຢູ່ຝະລັ່ງ, ສິງກະໂປ, ສ.ເຊັກ, ສ.ສະຫະພັນເຢຍລະມັນ ກໍ່ໄດ້ອອກສຽງຄັດຄ້ານການກະທຳຂອງຈີນ ຢູ່ທະເລຕາເວັນອອກເຊັ່ນດຽວກັນ./.