ຊາວໜຸ່ມ ດັກລັກ ກັບໂຄງການເດືອນມີນາຊາຍແດນ
(VOVWORLD) - ຕອນບ່າຍວັນທີ 25 ກຸມພາ, ເມືອງ ບວນດົນ ໄດ້ດຳເນີນຫຼາຍກິດຈະກຳໜູນຊ່ວຍສັງຄົມ ໂດຍສຸມໃສ່ເປົ້າໝາຍປະຊາຊົນຢູ່ເຂດຊາຍແດນ ແລະ ທະຫານປ້ອງກັນຊາຍແດນ ໂດຍຄະນະຊາວໜຸ່ມ ແຂວງ ດັກລັກ ຈັດຂຶ້ນ, ເຊິ່ງນອນໃນໂຄງການເດືອນມີນາຊາຍແດນ ແລະ ການເລີ່ມເຄື່ອນໄຫວເດືອນຊາວໜຸ່ມ ປີ 2024.
 ກິດຈະກຳກວດພະຍາດ ແລະ ແຈກຢາຍຢຸກຢາ (ພາບ:VOV) |
ດ້ວຍຫົວຂໍ້ “ຊາວໜຸ່ມຕະລຸມບອນຂານອາສາ ເພື່ອຊີວິດການເປັນຢູ່ວົງຄະນະຍາດ”, ໂຄງການໄດ້ຈັດຫຼາຍກິດຈະກຳ, ເຊັ່ນ: ກວດກພະຍາດ, ແຈກຢາຍຢຸກຢາໂດຍບໍ່ເກັບຄ່າໃຫ້ແກ່ປະຊາຊົນ ບ້ານ ດຣາງ ຟົກ, ຕາແສງ ກຣົງນາ; ມອບທຶນການສຶກສາໃຫ້ແກ່ລູກຮັກຂອງຄ້າຍທະຫານປ້ອງກັນຊາຍແດນ; ມອບລົດຖີບໃຫ້ນັກຮຽນທຸກຍາກແຕ່ຮຽນເກັ່ງ; ມອບທຶນເລີ່ມຕົ້ນທຸລະກິດໃຫ້ແກ່ຊາວໜຸ່ມ… ອ້າຍ ອີເລປາເຕີ, ຮອງເລຂາຜູ້ປະຈຳການຄະນະຊາວໜຸ່ມແຂວງ, ປະທານສະຫະພັນຊາວໜຸ່ມ ຫວຽດນາມ ແຂວງ ດັກລັກ ໃຫ້ຮູ້ວ່າ:
“ຄະນະຊາວໜຸ່ມແຂວງ ໄດ້ຊີ້ນຳໃຫ້ພະນັກງານຊາວໜຸ່ມ ແລະ ສະມາຊິກຊາວໜຸ່ມຈັດກິດຈະກຳຕ່າງໆຕິດພັນກັບຫົວຂໍ້ “ປີຊາວໜຸ່ມຂານອາສາ”. ພວກຂ້າພະເຈົ້າກໍໄດ້ສົມທົບກັນຈັດກິດຈະກຳຕ່າງໆ ພາຍໃຕ້ຫົວຂໍ້ “ເດືອນມີນາຊາຍແດນ” ດ້ວຍຫຼາຍກິດຈະກຳ, ໜ້າວຽກທີ່ຕິດພັນເຖິງການຊ່ວຍເຫຼືອສັງຄົມຢູ່ເຂດຊາຍແດນ. ຜ່ານນັ້ນ, ພວກຂ້າພະເຈົ້າກໍໄດ້ມຸ່ງໄປເຖິງບັນການເຄື່ອນໄຫວເພື່ອວົງຄະນະຍາດ, ພ້ອມທັງໂຄສະນາເຖິງສະມາຊິກຊາວໜຸ່ມກ່ຽວກັບນ້ຳໃຈປົກປັກຮັກສາອະທິປະໄຕຊາຍແດນ, ທະເລໝູ່ເກາະອີກດ້ວຍ”.
ເນື່ອງໃນໂອກາດນີ້, ຄະນະຊາວໜຸ່ມແຂວງ ດັກລັກ ກໍໄດ້ມອບແຜນທີ່ “ຄວາມເອກອ້າງທະນົງໃຈຕໍ່ອະທິປະໄຕແຫ່ງຊາດ” ຈຳນວນ 20 ແຜ່ນ ໃຫ້ແກ່ສວນສາທາລະນະແຫ່ງຊາດ ຢອກດົນ ແລະ ບັນດາຄ້າຍທະຫານປ້ອງກັນຊາຍແດນ: ຢອກດົນ, ບໍແຮງ ແລະ ເຊເຣປົກ.