ຊາວໜຸ່ມ, ນັກສຶກສາຊາວຫວຽດນາມອາໄສຢູ່ຕ່າງປະເທດສະແດງຄວາມຮູ້ບູນຄຸນຕໍ່ ນັກຮົບວິລະຊົນທີ່ໄດ້ ເສຍສະຫຼະຊີວິດເພື່ອຊາດ
(VOVWORLD) -ກັບຄືນເມືອປະເທດໃນຊຸມວັນທີ່ທົ່ວປະເທດພວມກະກຽມສະເຫຼີມສະຫຼອງ 51 ປີແຫ່ງວັນໄຊຊະນະ ດົງໂລກ (24 ກໍລະກົດ) ແລະ 72 ປີແຫ່ງວັນທະຫານເສຍອົງຄະ, ນັກຮົບເສຍສະຫຼະຊີວິດເພື່ອຊາດ ( 27 ກໍລະກົດ ), ຄ້າຍພັກແລ້ງຫວຽດນາມ ປີ 2019 ໃນການເດີນທາງຈາກເໜືອລົງຮອດໃຕ້ ຊຶ່ງໄດ້ຜ່ານປູຊະນີຍະສະຖານປະຫວັດສາດ, ທິວທັດທຳມະຊາດຫຼາຍແຫ່ງ, ໃນນັ້ນ, ມີບັນດາສະຖານທີ່ທີ່ມີຊື່ສຽງກ່ຽວກັບຄວາມເສຍສະຫຼະຊີວິດອັນພິລະອາດຫານຂອງລຸ່ນປູ່ລຸ້ນອ້າຍໃນການຕໍ່ສູ້ເພື່ອປົກປັກຮັກສາປະເທດຊາດ
 ຊາວໜຸ່ມຊາວຫວຽດນາມອາໄສຢູ່ຕ່າງປະເທດອາໄລຫາບັນດານັກຮົບທີ່ໄດ້ເສຍສະຫຼະຊີວິດເພື່ອຊາດ |
ຕອນເຊົ້າວັນທີ 15 ກໍລະກົດ, ຄະນະຜູ້ແທນຊາວໜຸ່ມ, ນັກສຶກສາຊາວຫວຽດນາມອາໄສຢູ່ຕ່າງປະເທດໄດ້ມາຖວາຍທູບທຽນບູຊາ, ອາໄລຫາບັນດານັກຮົບວິລະຊົນທີ່ໄດ້ ເສຍສະຫຼະຊີວິດເພື່ອຊາດຢູ່ເຂດປູຊະນີຍະສະຖານ 3 ແຍກດົງໂລກ ໃນແຂວງຮ່າຕິ້ງ, ຈູດທູບໃຕ່ທຽນບູຊາອາໄລຫາຢູ່ສຸສານ ຊາວໜຸ່ມຍິງຕະລຸ່ມບອນ 10 ຄົນທີ່ໄດ້ ເສຍສະຫຼະຊີວິດຢູ່ທີ່ນີ້. ນາງ ຫງວຽນງອກມາຍ ຊາວຫວຽດນາມອາໄສຢູ່ລາວ ແບ່ງປັນວ່າ : (ເທບ)
“ ຢູ່ລາວ, ນ້ອງໄດ້ຮູ້ຈັກເຖິງທະຫານອາສາສະໝັກຫວຽດນາມຫຼາຍຄົນໄດ້ໄປຊ່ວຍເຫຼືອລາວ ແລະ ເສຍສະຫຼະຊີວິດຢູ່ແດນລາວ, ສິ່ງນີ້ ໄດ້ເຮັດໃຫ້ນ້ອງມີຄວາມສະເທື່ອນໃຈ. ແຕ່ໃນເມື່ອໄປຮອດ 3 ແຍກດົງໂລກ, ໄດ້ຮັບຟັງແນະນຳກ່ຽວກັບ ກ່ຽວກັບຄວາມເສຍສະຫຼະຊີວິດອັນພິລະອາດຫານຂອງ ຊາວໜຸ່ມຍິງຕະລຸ່ມບອນ 10 ຄົນເພື່ອປົກປັກຮັກສາປະເທດຊາດ, ນ້ອງຮູ້ສຶກຕື້ນຕັນໃຈຫຼາຍ ”
ສ່ວນທ້າວ ຫງວຽນຈຸງກຽນ ຊາວຫວຽດນາມອາໄສຢູ່ອາເມລິກາ ເວົ້າວ່າ :
“ ເມື່ອໄດ້ຮັບຊົມຮູບເງົາກ່ຽວກັບ ເຂດປູຊະນີຍະສະຖານ 3 ແຍກດົງໂລກ, ພິເສດ ແມ່ນຄວາມເສຍສະຫຼະຊີວິດອັນພິລະອາດຫານຂອງ ຊາວໜຸ່ມຍິງຕະລຸ່ມບອນ 10 ຄົນ, ນ້ອງມີຄວາມເອກອ້າງທະນົງໃຈທີ່ສຸດເພາະເປັນຄົນເຊື້ອສາຍຫວຽດນາມວິລະຊົນ. ນ້ອງຫວັງວ່າ ປະເທດຫວຽດນາມມີສັນຕິພາບຈົນຊົ່ວກາລະນານ ”