ຊາວໜຸ່ມຕ້ອງສົມເປັນກອງສຳຮອງທີ່ໄວ້ເນື້ອເຊື່ອໃຈຂອງພັກ
ທ່ານເລຂາທິການໃຫຍ່ ຫງວຽນຟຸຈ້ອງ ກ່າວຄຳເຫັນທີ່ພິທີ
(vovworld) – ວັນທີ 29/08, ຢູ່ຮ່າໂນ້ຍ, ສູນກາງຊາວໜຸ່ມກອມມູນິດໂຮ່ຈິມິນ ໄດ້ຈັດພິທີຍ້ອງຍໍຊາວໜຸ່ມດີເດັ່ນທີ່ປະຕິບັດຕາມຄຳສັ່ງສອນຂອງປະທານໂຮ່ຈິມິນ ຄັ້ງທີ 4 ປີ 2016. ຢູ່ທີ່ນີ້, ຄະນະຈັດຕັ້ງໄດ້ຍ້ອງຍໍ, ມອບຫຼຽນກາທີ່ລະນຶກໃຫ້ຜູ້ແທນຊາວໜຸ່ມດີເດັ່ນ 20 ຄົນທີ່ປະຕິບັດຕາມຄຳສັ່ງສອນຂອງປະທານໂຮ່ຈິມິນ ໄລຍະ 2014 – 2016.
ກ່າວຄຳເຫັນທີ່ພິທີ, ທ່ານເລຂາທິການໃຫຍ່ ຫງວຽນຟຸຈ້ອງ ເນັ້ນໜັກວ່າ: ພັກ, ລັດ ແລະ ປະຊາຊົນ ຍາມໃດກໍ່ມີຄວາມໄວ້ເນື້ອເຊື່ອໃຈຕໍ່ຄະນະຊາວໜຸ່ມກອມມູນິດໂຮ່ຈິມິນ ແລະ ລຸ້ນໜຸ່ມຫວຽດນາມ. ທ່ານເລຂາທິການໃຫຍ່ ຫງວຽນຟຸຈ້ອງ ປາດຖະໜາ ແລະ ເຊື່ອໝັ້ນວ່າ, ຄະນະຊາວໜຸ່ມກອມມູນິດໂຮ່ຈິມິນ ຍາມໃດກໍ່ສົມເປັນກອງສຳຮອງຂອງພັກ, ແມ່ນກອງປະຈັນບານຂອງການປະຕິວັດຕະຫຼອດການ; ຊາວໜຸ່ມແມ່ນເຈົ້າຂອງປະເທດຊາດໃນອະນາຄົດ. ທ່ານເລຂາທິການໃຫຍ່ ຫງວຽນຟຸຈ້ອງ ຊີ້ແຈ້ງວ່າ.
“ຄະນະຊາວໜຸ່ມທຸກຂັ້ນໄດ້ນຳໃຊ້ການສ້າງມາດຕະຖານຄຸນສົມບັດຢ່າງມີຫົວຄິດປະດິດສ້າງ ແລະ ເປັນລະອຽດ ຕາມແນວຄິດ, ແບບຢ່າງປະທານໂຮ່ຈິມິນ ເໝາະສົມກັບເງື່ອນໄຂຂອງແຕ່ລະທ້ອງຖິ່ນ, ຫົວໜ່ວຍ, ຊົນຊັ້ນຊາວໜຸ່ມເຍົາວະຊົນຊັ້ນຕ່າງໆ; ນຳເອົາບັນດາເນື້ອໃນຮ່ຳຮຽນ ແລະ ປະຕິບັດຕາມປະທານໂຮ່ຈິມິນ ເຂົ້າໃນບັນດາລາຍການ, ຂະບວນການ, ບັ້ນຂົນຂວາຍຂອງຄະນະຊາວໜຸ່ມ, ສະມາຄົມ, ກອງຊາວໜຸ່ມ ດ້ວຍຫຼາຍຮູບການ, ວິທີປະຕິບັດທີ່ເໝາະສົມ. ຜ່ານນັ້ນ, ວຽກງານສຶກສາຊາວໜຸ່ມເຍົາວະຊົນກໍ່ໄດ້ຮັບການຍູ້ແຮງ; ຂະບວນການມີບາດກ້າວພັດທະນາ, ອົງການຊາວໜຸ່ມຂັ້ນຮາກຖານໄດ້ຮັບການປັບປຸງ…ໄດ້ປະກົດມີຫຼາຍແບບຢ່າງທີ່ດີເດັ່ນໃນຂົງເຂດຕ່າງໆຂອງຊີວິດສັງຄົມ”.