ຊາວໜຸ່ມອາໄສຢູ່ຕ່າງປະເທດເຂົ້າຮ່ວມການເຄື່ອນໄຫວເຮັດໃຫ້ທະເລສະອາດຢູ່ ກວ໋າງຫງາຍ

ຕອນເຊົ້າວັນທີ 20 ກໍລະກົດ, ມີຊາວໜຸ່ມ, ເຍົາວະຊົນອາໄສຢູ່ຕ່າງປະເທດ 150 ຄົນທີ່ມາຈາກ 28 ປະເທດ ແລະ ເຂດແຄ້ວນ ເຂົ້າຮ່ວມລາຍການຄ້າຍພັກແລ້ງ ຫວຽດນາມ 2019 ໂດຍຄະນະກຳມະການແຫ່ງລັດກ່ຽວກັບຊາວ ຫວຽດນາມ ອາໄສຢູ່ຕ່າງປະເທດ (ສັງກັດກະຊວງການຕ່າງປະເທດ) ຈັດຕັ້ງ, ໄດ້ເຂົ້າຮ່ວມການເຄື່ອນໄຫວເຮັດໃຫ້ທະເລສະອາດຢູ່ຫາດຊາຍທະເລ ໝີເຄ, ນະຄອນ ກວາງຫງ໋າຍ (ແຂວງ ກວ໋າງຫງາຍ). ນາງ ຫງວຽນງອັກມາຍ, ນັກສຶກສາມະຫາວິທະຍາໄລເສດຖະກິດແຫ່ງຊາດ ຮ່າໂນ້ຍ ທີ່ເຂົ້າຮ່ວມຄ້າຍພັກແລ້ງ ໃຫ້ຮູ້ວ່າ: ການເຄື່ອນໄຫວນີ້ ໄດ້ຊ່ວຍຕົນເອງມີຄວາມເຂົ້າໃຈກ່ຽວກັບຜົນຮ້າຍຈາກຂີ້ເຫຍື້ອຫລາຍກ່ວາ.

        “ໃນການເຄື່ອນໄຫວໄປເກັບຂີ້ເຫຍື້ອ, ນ້ອງໄດ້ເກັບຂີ້ເຫຍື້ອທຸກຊະນິດ ເພື່ອເຮັດໃຫ້ຫາດຊາຍທະເລມີຄວາມສະອາດກ່ວາ ພ້ອມທັງ ນີ້ກໍ່ແມ່ນການເຄື່ອນໄຫວເພື່ອປົກປັກຮັກສາສິ່ງແວດລ້ອມ. ນ້ອງເຫັນວ່າ ການປົກປັກຮັກສາສິ່ງແວດລ້ອມທະເລແມ່ນສຳຄັນທີ່ສຸດ. ”

        ສ່ວນທ້າວ ໂງຮ່ວາງລິງ ມາຈາກ ເບຣາຣຸດ ແບ່ງປັນວ່າ: ທິວທັດທຳມະຊາດຢູ່ທີ່ນີ້ປອດໂປ່ງດີ ແລະ ທະເລກໍ່ສວຍງາມ. ເຖິງຢ່າງໃດກໍ່ຕາມ, ສິ່ງແວດລ້ອມໃນການດຳລົງຊີວິດ ພັດມີຫລາຍຂີ້ເຫຍື້ອຫລາຍທີ່ສຸດ ຍ້ອນຊາວທ້ອງຖິ່ນ ແລະ ແຂກທ່ອງທ່ຽວຖິ້ມໃສ່. ຕາມນ້ອງແລ້ວ, ຖ້າຫາກພວກເຮົາສາມາດເອົາຖັງຂີ້ເຫຍື້ອມາຕັ້ງໃສ່ຢູ່ລຽບຕາມຫາດຊາຍທະເລຕື່ມອີກຫລາຍຖັງນັ້ນ ຈະຊ່ວຍຫລຸດຜ່ອນການຖິ້ມຂີ້ເຫຍື້ອຖິ້ມໃສ່ສິ່ງແວດລ້ອມໄດ້ຫລາຍ ແລະ ທະເລກໍ່ຈະສວຍງາມກ່ວາຫລາຍເທົ່າ.