(vovworld) – ວັນ​ທີ 17/9, ຄົນງານ ຫວຽດນາມ ຢູ່ ລີບີ 175 ຄົນ​ໄດ້​ເລີ່​ມ​ເດີນທາງ​ອອກ​ຈາກ​ປະ​ເທດ ອາບຟຣີກາ ​ເໜືອ​ນີ້​ດ້ວຍ​ທາງບົກ​ຜ່ານ Tunisia ຈາກ​ນັ້ນ​ຈະ​ເດີນທາງ​ດ້ວຍ​ທາງ​ການ​ບິນເພື່ອ​ກັບ​ເມືອ​ປະ​ເທດ​ໃນ​ຊຸມ​ວັນ​ຈະ​ມາ​ເຖິງ.

    ທ່ານ​ເອກ​ອັກຄະ​ລັດຖະທູດ ຫວຽດນາມ ປະຈຳ ລີ​ບີ ດ່າວຢູຍຕ໋ຽນ ​ໃຫ້​ຮູ້​ວ່າ​: ນີ້​ແມ່ນ​ການ​ຍົກຍ້າຍ​ຄົນ​ງານ​ຄັ້ງສຸດ​ທ້າຍ ​ໂດຍ​ສະຖານ​ທູດ ຫວຽດນາມ ປະຈຳ ລີ​ບີ, ຄະນະ​ປະຕິບັດ​ງານ​ຂອງ​ກະຊວງ​ແຮງ​ງານ - ທະຫານ​ເສຍ​ອົງຄະ ​ແລະ ສັງຄົມ ​ແລະ ບາງ ວິ​ສາ​ຫະກິດ​​​ໄດ້​ສົມທົບ​ກັນ​ປະຕິບັ​ດ. ຈຳນວນ​ຄົນ​ງານ​ດັ່ງກ່າວ​ເຮັດ​ວຽກ​ຢູ່​ເທດສະບານ Ghadamis, ຂຶ້ນ​ກັບ​ແຂວງ​ຕາ​ເວັນ​ຕົກ Nalut ​ແລະ ນະຄອນ​ແຄມ​ທະ​ເລ Misrata.