ຕອນບ່າຍວັນທີ 17 ກັນຍາ ຢູ່ສຳນັກງານລັດຖະບານ, ທ່ານ ນາຍົກລັດຖະມົນຕີ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານນາງ ລັດຖະມົນຕີການຕ່າງປະເທດ ສ.ເກົາຫລີ Kang Kyung Wha ພວມຢ້ຽມຢາມຫວຽດນາມ ຢ່າງເປັນທາງການ ແຕ່ວັນທີ 17- 18 ກັນຍາ. ທ່ານນາຍົກລັດຖະມົນຕີ ຊີ້ແຈ້ງວ່າ: ສອງປະເທດ ແມ່ນຄູ່ຮ່ວມມືຍຸດທະສາດ, ມີຄວາມໄວ້ເນື້ອເຊື່ອໃຈ, ຕ່າງຝ່າຍຕ່າງມີຜົນປະໂຫຍດ ແລະ ສ ເກົາຫລີ ພວມນຳຫນ້າກ່ຽວກັບການລົງທຶນຢູ່ຫວຽດນາມ. ທ່ານນາຍົກລັດຖະມົນຕີ ສະເຫນີ :  ປີນີ້ ສອງປະເທດສູ້ຊົນບັນລຸວົງເງິນການຄ້າສອງຝ່າຍໃຫ້ຂຶ້ນລະດັບ 100 ຕື້ USD ພ້ອມທັງຍູ້ແຮງບັນດາຂົງເຂດຮ່ວມມືອື່ນ. ທ່ານນາຍົກລັດຖະມົນຕີ ຫງວຽນຊວນຟຸກ ປາດຖະຫນາຢາກໃຫ້ ສເກົາຫລີ ຫລຸດຜ່ອນ, ກ້າວໄປເຖິງການລົບລ້າງບັນດາເງື່ອນໄຂຜູກມັດສຳລັບບ້ວງເງິນກູ້ຫນູນຊ່ວຍການພັດທະນາທາງການ (ODA), ບ້ວງເງິນກູ້ບຸລິມະສິດ, ເປີດກວ້າງບັນດາບ້ວງເງິນຊ່ວຍເຫລືອລ້າໃຫ້ແກ່ຫວຽດນາມ; ເພີ່ມການຮັບແຮງງານຫວຽດນາມ, ຫນູນຊ່ວຍປະຊາຄົມຊາວຫວຽດນາມຢູ່ ສເກົາຫລີ.

ສ່ວນທ່ານນາງລັດຖະມົນຕີການຕ່າງປະເທດ ສເກົາຫລີ Kang Kyung Wha ໃຫ້ຮູ້ວ່າ: ສ ເກົາຫລີ ພ້ອມແລ້ວສ້າງເງື່ອນໄຂສະດວກໃຫ້ແກ່ ຊາວຫວຽດນາມ ເຂົ້າເມືອງ ສເກົາຫລີ  ແລະ ປາດຖະຫນາວ່າ ສອງປະເທດ ເປັນເອກະພາບຂັ້ນຕອນເຂົ້າເມືອງແບບພິເສດ ເພື່ອສ້າງເງື່ອນໄຂໃຫ້ນັກຊ່ຽວຊານ, ນັກຄຸ້ມຄອງ, ວິສາຫະກິດ ສເກົາຫລີ ໄດ້ຮັບການອະນຸຍາດເຂົ້າມາຫວຽດນາມ ດ້ວຍລະບຽບການ, ຂັ້ນຕອນກະທັດລັດກວ່າ. ທ່ານນາງ ກໍ່ປາດຖະຫນາຢາກສອງປະເທດລົງນາມໃນສັນຍາກ່ຽວກັບປະກັນສັງຄົມ ເພື່ອຮັບປະກັນສິດຜົນປະໂຫຍດໃຫ້ແກ່ຄົນງານກວ່າອີກ.