ຍົກສູງກຳລັງຄວາມສາມາດສົ່ງອອກໃຫ້ແກ່ວິສາຫະກິດຂະໜາດກາງ ແລະ ນ້ອຍ ໂດຍແມ່ຍິງເປັນເຈົ້າຂອງ
(VOVWORLD) - ຕອນເຊົ້າວັນທີ 21 ທັນວາ, ຢູ່ຮ່າໂນ້ຍ, ກະຊວງອຸດສາຫະກຳ ແລະ ການຄ້າ ໄດ້ສົມທົບກັບຄູ່ຮ່ວມມື ສ.ເກົາຫຼີ ແລະ ບັນດາສະມາຊິກ ອາຊຽນ ຈັດຕັ້ງກອງປະຊຸມສໍາມະນາ ດ້ວຍຫົວຂໍ້ “ອາຊຽນ ກ່ຽວກັບການຍົກສູງກຳລັງຄວາມສາມາດສົ່ງອອກໃຫ້ແກ່ວິສາຫະກິດຂະໜາດກາງ ແລະ ນ້ອຍ ໂດຍແມ່ຍິງເປັນເຈົ້າຂອງ”.
 ທ່ານນາງ ມາຍທິຖຸ່ຍ, ປະທານສະມາຄົມວິສາຫະກິດເພດຍິງຂະໜາດກາງ ແລະ ນ້ອຍ ນະຄອນ ຮ່າໂນ້ຍ ກ່າວຄຳເຫັນທີ່ພິທີ (ພາບ: congthuong.vn) |
ທີ່ກອງປະຊຸມສຳມະນາ, ບັນດາຜູ້ແທນໄດ້ປຶກສາຫາລື, ແບ່ງປັນປະສົບການບົດຮຽນໃຫ້ແກ່ວິສາຫະກິດຂະໜາດກາງ ແລະ ນ້ອຍ ໂດຍແມ່ຍິງເປັນເຈົ້າຂອງເພື່ອຍົກສູງກຳລັງແກ້ງແຍ້ງ ແລະ ປົວແປງຄວາມສາມາດແຊກຊຶມກັບຕະຫຼາດທົ່ວໂລກ, ພ້ອມທັງຍົກອອກຂໍ້ສະເໜີແນະກ່ຽວກັບນະໂຍບາຍ ແນໃສ່ຊຸກຍູ້ກຳລັງສົ່ງອອກຂອງບັນດາວິສາຫະກິດຂະໜາດກາງ ແລະ ນ້ອຍ ໂດຍແມ່ຍິງເປັນເຈົ້າຂອງ ໄດ້ເຂົ້າຮ່ວມລະບົບມູນຄ່າທົ່ວໂລກ. ທ່ານນາງ ມາຍທິຖຸ່ຍ, ປະທານສະມາຄົມວິສາຫະກິດເພດຍິງຂະໜາດກາງ ແລະ ນ້ອຍ ນະຄອນ ຮ່າໂນ້ຍ ຖືວ່າ:
“ລັດຖະບານກໍໄດ້ວາງອອກນະໂຍບາຍໜູນຊ່ວຍຫຼາຍຢ່າງໃຫ້ແກ່ວິສາຫະກິດຂະໜາດນ້ອຍ ແລະ ກາງ, ຂ້າພະເຈົ້າຖືວ່າ ແມ່ນທັນການທີ່ສຸດ. ແຕ່ປັດຈຸບັນ, ເພື່ອໃຫ້ວິສາຫະກິດສືບຕໍ່ຜະລິດ, ດຳເນີນທຸລະກິດໄດ້ດີນັ້ນ, ລັດຕ້ອງສືບຕໍ່ວາງນະໂຍບາຍທີ່ດີກວ່າອີກ. ຕົວຢ່າງຄື ມີກົນໄກແນວໃດເພື່ອໃຫ້ບັນດາວິສາຫະກິດຜະລິດແບບຍືນຍົງ ແລະ ອຳນວຍຄວາມສະດວກແກ່ວິສາຫະກິດໃຫ້ຫຼາຍກວ່າອີກ”.