ພາບປະກອບ

ໂດຍສືບຕໍ່ການເຮັດວຽກຂອງວາລະປະຊຸມຄັ້ງທີ 10, ຕອນບ່າຍວັນທີ 16 ພຶດສະພາ, ຄະນະປະຈຳສະພາແຫ່ງຊາດ ໄດ້ປະກອບຄຳເຫັນໃສ່ບົດລາຍງານຕິດຕາມກວດກາການແກ້ໄຂຂໍ້ສະເໜີຂອງຜູ້ມີສິດເລືອກຕັ້ງຝາກເຖິງກອງປະຊຸມສະໄໝສາມັນເທື່ອທີ 2 ສະພາແຫ່ງຊາດ ຫວຽດນາມ. ຕາມບົດລາຍງານຂອງຄະນະແກ້ໄຂຄຳຮ້ອງຂໍຄວາມເປັນທຳ ແລ້ວ, ຜ່ານການພົບປະກ່ວາ 2 ພັນຄັ້ງກັບຜູ້ມີສິດເລືອກຕັ້ງກ່ອນ ແລະ ພາຍຫຼັງ ກອງປະຊຸມສະໄໝສາມັນເທື່ອທີ 2 ຂອງບັນດາສະມາຊິກສະພາແຫ່ງຊາດ, ຄະນະ ແກ້ໄຂຄຳຮ້ອງຂໍຄວາມເປັນທຳ ໄດ້ສະຫລຸບ ແລະ ຝາກເຖິງອົງການ, ຫົວໜ່ວຍມີຄວາມຮັບຜິດຊອບພິຈາລະນາ, ແກ້ໄຂກ່ວາ 3.300 ຂໍ້ສະເໜີແນະຂອງຜູ້ມີສິດເລືອກຕັ້ງ.

        ກໍ່ໃນຕອນບ່າຍວັນດຽວກັນ, ຄະນະປະຈຳສະພາແຫ່ງຊາດໄດ້ປະກອບຄຳເຫັນໃສ່ຮ່າງບົດລາຍງານສະຫລຸບຄຳເຫັນ, ຂໍ້ສະເໜີແນະຂອງຜູ້ມີສິດເລືອກຕັ້ງ ແລະ ປະຊາຊົນຝາກເຖິງກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດ. ຕາມບົດລາຍງານແລ້ວ, ຄະນະປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ສົມທົບກັບຄະນະປະຈຳສະພາແຫ່ງຊາດສະຫລຸບຄຳເຫັນ, ຂໍ້ສະເໜີແນະກ່ວາ 2.900 ຄຳເຫັນຂອງຜູ້ມີສິດເລືອກຕັ້ງຝາກເຖິງສະພາແຫ່ງຊາດ. ບັນດາຂໍ້ສະເໜີແນະໄດ້ສຸມໃສ່ເຂົ້າຂົງເຂດດຳເນີນທຸລະກິດ, ຄຸ້ມຄອງຊັບພະຍາກອນ, ສິ່ງແວດລ້ອມ…