ເສີມຂະຫຍາຍບົດບາດຂອງບັນດາອົງການຕາງໜ້າທາງການທູດປະຈຳຕ່າງປະເທດ ແລະ ບັນດາອົງການສື່ມວນຊົນ….. ແມ່ນໜຶ່ງໃນບັນດາເນື້ອໃນທີ່ໄດ້ສຸມໃສ່ນຳມາປຶກສາຫາລືທີ່ການໂອ້ລົມສົນທະນາ “ວຽກງານຖະແຫຼງຂ່າວໃຫ້ຕ່າງປະເທດຮັບໃຊ້ການເພີ່ມທະວີການໂຄສະນາພາບພົດຂອງຫວຽດນາມອອກສູ່ໂລກໃນໄລຍະປັດຈຸບັນ” ໂດຍຄະນະຊີ້ນຳວຽກງານຖະແຫຼງຂ່າວໃຫ້ຕ່າງປະເທດຂັ້ນສູນກາງ ຈັດຕັ້ງຂຶ້ນໃນວັນທີ 16 ພຶດສະພາ, ຢູ່ຮ່າໂນ້ຍ. ທີ່ການໂອ້ລົມສົນທະນາ, ບັນດາຊ່ຽວຊານມາຈາກກະຊວງ, ຂະແໜງການ, ອົງການສື່ສານຖືວ່າ ການສ້າງ ແລະ ໂຄສະນາພາບພົດຂອງປະເທດຊາດ ແມ່ນເປົ້າໝາຍຂອງທຸກປະເທດ. ໃນໂລກແຫ່ງການເຊື່ອມໂຍງ, ການແກ້ງແຍ້ງລະຫວ່າງບັນດາປະເທດນັບມື້ນັບຂ້ຽວຂາດຫຼາຍຂຶ້ນນັ້ນ,   “ພາບພົດທີ່ສວຍງາມ” ໄດ້ຮັບຖືວ່າແມ່ນປັດໄຈສຳຄັນໃນ “ກຳລັງແຮງນຸ້ມນວນ” ຂອງປະເທດ, ເຊິ່ງໄດ້ປະກອບສ່ວນສຳຄັນເຂົ້າໃນການຢັ້ງຢືນທີ່ຕັ້ງຂອງປະເທດນັ້ນ. ບັນດາຜູ້ແທນໄດ້ເນັ້ນໜັກເຖິງບົດບາດຂອງບັນດາອົງການສື່ສານ, ພິເສດແມ່ນບັນດາອົງການສື່ມວນຊົນໃນການຍູ້ແຮງວຽກງານຖະແຫຼງຂ່າວໃຫ້ຕ່າງປະເທດ. ພ້ອມທັງໄດ້ນຳສະເໜີບັນດາມາດຕະການ ໃນນັ້ນ, ການເພີ່ມທະວີບົດບາດຂອງບັນດາອົງການສື່ມວນຊົນ, ຖະແຫຼງຂ່າວໃຫ້ຕ່າງປະເທດ ໄດ້ຮັບຖືວ່າ ແມ່ນແຫຼ່ງກຳລັງຫຼັກແຫຼ່ງ ເພື່ອໂຄສະນາພາດພົດຂອງຫວຽດນາມອອກສູ່ໂລກ.