ຍົກສູງປະສິດທິຜົນການຮ່ວມມືຢ່າງຮອບດ້ານລະຫວ່າງ ຫວຽດນາມ ແລະ ລາວ ກ່ວາອີກ
(VOVWORLD) -ຕອນບ່າຍວັນທີ 20 ເມສາ, ຢູ່ຮ່າໂນ້ຍ, ທ່ານປະທານປະເທດ ຫວໍວັນເຖືອງໃຫ້ການຕ້ອນຮັບທ່ານ ທອງສະຫວັນ ພົມວິຫານ, ຫົວໜ້າຄະນະພົວພັນຕ່າງປະເທດສູນກາງພັກປະຊາຊົນປະຕິວັດ ລາວ ພວມມີການຢ້ຽມຢາມ ແລະ ເຮັດວຽກຢູ່ ຫວຽດນາມ.
 ທ່ານປະທານປະເທດ ຫວໍວັນເຖືອງ ໃຫ້ການຕ້ອນຮັບທ່ານ ທອງສະຫວັນ ພົມວິຫານ, ຫົວໜ້າຄະນະພົວພັນຕ່າງປະເທດສູນກາງພັກປະຊາຊົນປະຕິວັດ ລາວ (ພາບ: TTXVN) |
ທ່ານປະທານປະເທດ ຫວໍວັນເຖືອງເຊື່ອໝັ້ນວ່າ ການຢ້ຽມຢາມຄັ້ງນີ້ຈະຊຸກຍູ້ຢ່າງແຮງການພົວພັນຮ່ວມມືລະຫວ່າງສອງຄະນະພົວພັນຕ່າງປະເທດສອງພັກ, ປະກອບສ່ວນຍົກສູງ ປະສິດທິຜົນການຮ່ວມມືຢ່າງຮອບດ້ານລະຫວ່າງສອງພັກ, ສອງປະເທດໃນໄລຍະຈະມາເຖິງກວ່າອີກ. ທ່ານປະທານປະເທດ ຫວໍວັນເຖືອງເນັ້ນໜັກວ່າ ການພົວພັນ, ນ້ຳໃຈມິດຕະພາບ ຫວຽດນາມ - ລາວແມ່ນພິເສດທີ່ສຸດ. ແຕ່ລະບາດກ້າວ, ຜົນສຳເລັດໃນການປົກປັກຮັກສາ, ສ້າງສາປະເທດ ຫວຽດນາມ ຍາມໃດກໍ່ມີການສະໜັບສະໜູນ, ຊ່ວຍເຫຼືອຂອງພັກ, ລັດ ແລະ ປະຊາຊົນລາວ.
ສ່ວນທ່ານ ທອງສະຫວັນ ພົວວິຫານ ຖືວ່າ ສອງຄະນະພົວພັນຕ່າງປະເທດຈະປະຕິບັດສຳເລັດໜ້າທີ່ເປັນເສນາທິການໃຫ້ແກ່ການນຳສອງພັກ, ສອງລັດໃນການຍົກສູງປະສິດທິຜົນການປະຕິບັດບັນດາຂໍ້ຕົກລົງຮ່ວມມືລະຫວ່າງສອງພັກ, ສອງລັດ ແລະ ປະຊາຊົນສອງປະເທດກວ່າອີກ.