ບັນດາຜູ້ແທນເຂົ້າຮ່ວມກອງປະຊຸມ

     ໃນ 6 ເດືອນຕົ້ນປີ 2022, ວຽກງານຖະແຫຼງຂ່າວໃຫ້ຕ່າງປະເທດໄດ້ ຊ່ວຍໃຫ້ປະຊາຄົມສາກົນເຂົ້າໃຈນະໂຍບາຍ ແລະ ທັດສະນະແນວທາງການຕ່າງປະເທດ ຂອງ ຫວຽດນາມຫຼາຍກ່ວາອີກ, ພິເສດແມ່ນ ກອງປະຊຸມຄັ້ງທີ 5 ຂອງຄະນະບໍລິຫານງານສູນກາງພັກ ສະໄໝທີ 13; ກອງປະຊຸມສະໄໝສາມັນຄັ້ງທີ 3, ສະພາແຫ່ງຊາດຊຸດທີ XV, ຊີເກມຄັ້ງທີ 31, ພິເສດແມ່ນປີມິດຕະພາບຫວຽດນາມ - ລາວ 2022 ແລະ ປີມິດຕະພາບຫວຽດນາມ - ກຳປູເຈຍ 2022. ກ່ຽວກັບວຽກງານໜ້າທີ່ 6 ເດືອນທ້າຍປີ 2022, ທ່ານ ຫງວຽນເກວເລິມ, ຮອງຫົວໜ້າຄະນະສະເພາະກິດ ຄະນະຊີ້ນຳ ວຽກງານຖະແຫຼງຂ່າວໃຫ້ຕ່າງປະເທດ, ຫົວໜ້າກົມຖະແຫຼງຂ່າວ ໃຫ້ຕ່າງປະເທດ ແລະ ການຮ່ວມມືສາກົນ, ຄະນະໂຄສະນາສຶກສາສູນກາງພັກ ເນັ້ນໜັກວ່າ:

  “ສືບຕໍ່ຍູ້ແຮງວຽກງານຖະແຫຼງຂ່າວ, ໂຄສະນາການພົວພັນລະຫວ່າງ ຫວຽດນາມ ກັບລາວ , ກຳປູເຈຍ ໃນຂອບເຂດປີສາມັກຄີມິດຕະພາບ 2022. ຍົກສູງບົດບາດຊີ້ນຳ ແລະ ກຳນົດທິດ ຂອງຄະນະຊີ້ນຳທ້ອງຖິ່ນໃນການຜັນຂະຫຍາຍປະຕິບັດວຽກງານຖະແຫຼງຂ່າວໃຫ້ຕ່າງປະເທດ, ພິເສດແມ່ນໃນວຽກງານໂຄສະນາພາບພົດ ຫວຽດນາມຢູ່ຕ່າງປະເທດ, ເພີ່ມທະວີການເຊື່ອມຕໍ່ກັບຊາວຫວຽດນາມອາໄສຢູ່ຕ່າງປະເທດ. ເພີ່ມທະວີ ແລະ ຍົກສູງຄຸນນະພາບວຽກງານຖະແຫຼງຂ່າວໃຫ້ຕ່າງປະເທດໃນຂົງເຂດສາສະໜາ, ຊົນເຜົ່າ, ປະຊາທິປະໄຕ ແລະ ສິດທິມະນຸດ, ຕັ້ງໜ້າເຂົ້າຮ່ວມການປະຕິບັດໜ້າທີ່ການເມືອງຂອງຫວຽດນາມ ເພື່ອສະໝັກເລືອກຕັ້ງເປັນສະມາຊິກສະພາສິດທິມະນຸດສະຫະປະຊາຊາດໄລຍະ 2023 - 2025.”

     ກ່າວຄຳເຫັນທີ່ກອງປະຊຸມ, ທ່ານ ຫງວຽນຈ້ອງເງ້ຍ, ຫົວໜ້າຄະນະໂຄສະນາສຶກສາສູນກາງ, ຫົວໜ້າຄະນະຊີ້ນຳວຽກງານຖະແຫຼງຂ່າວໃຫ້ຕ່າງປະເທດຂັ້ນສູນກາງ ສະເໜີວ່າ: 6 ເດືອນທ້າຍປີ 2022, ຄະນະຊີ້ນຳ, ສະມາຊິກຄະນະຊີ້ນຳ. ແລະ ບັນດາຄະນະ, ກະຊວງ, ຂະແໜງການ ແລະ ທ້ອງຖິ່ນຄວນຍື່ນສະເໜີຕໍ່ກົມການເມືອງຍຸດທະສາດຖະແຫຼງຂ່າວໃຫ້ ຕ່າງປະເທດຮອດປີ 2030, ວິໄສທັດເຖິງປີ 2045. ພ້ອມທັງຮັກສາ ແລະ  ຍົກສູງປະສິດທິຜົນ ປ່ຽນແປງໃໝ່ ວຽກງານຖະແຫຼງຂ່າວໃຫ້ຕ່າງປະເທດ, ຊຸກຍູ້ການຫັນເປັນດິຈິຕອນ.