(vovworld) – ວັນທີ 11/11, ວົງການເຈົ້າໜ້າທີ່ ປາກິດສະຖານ ໃຫ້ຮູ້ວ່າ: ໄດ້ເກີດເຫດຍິງປືນໃສ່ກັນຄັ້ງໜຶ່ງ ແລະ ເຫດວາງລະເບີດ 2 ຄັ້ງຢູ່ພາກຕາເວັນຕົກສ່ຽງເໜືອປະເທດນີ້, ເຮັດໃຫ້ຢ່າງໜ້ອຍສຸດມີທະຫານ 5 ຄົນ ແລະ ມືປືນ 15 ຄົນເສຍຊີວິດ. ເຫດຍິງປືນໃສ່ກັນເກີດຂຶ້ນໃນຄ່ຳຄືນວັນທີ 10/11 ຢູ່ປ້ອມກວດກາຂອງກຳລັງປ້ອງກັນຊາຍແດນເຄິ່ງທະຫານ ຢູ່ເຂດ Shireendara ຂຶ້ນກັບເມືອງ Orakzai, ເຊິ່ງແມ່ນໜຶ່ງໃນ 7 ເຂດກົກເຫຼົ່າເຄິ່ງປົກຄອງດ້ວຍຕົນເອງຂອງ ປາກິດສະຖານ ຂຶ້ນກັບເຂດຊາຍແດນ ອາບການິດສະຖານ. ມືປືນກ່ວາ 50 ຄົນໄດ້ບຸກໂຈມຕີປ້ອມກວດກາເຮັດໃຫ້ທະຫານ 2 ຄົນ ແລະ ພວກບຸກໂຈມຕີ 15 ຄົນເສຍຊີວິດ. ແລະກໍ່ໃນວັນດຽວກັນ, ມີທະຫານ 1 ຄົນເສຍຊີວິດ ແລະ 1 ຄົນຖືກຮັບບາດເຈັບເມື່ອລູກລະເບີດແຕກຢູ່ແຄມທາງໃນເທດສະບານ Bannu, ທິດຕາເວັນຕົກສ່ຽງເໜືອ ປາກິດສະຖານ. ມີເຫດວາງລະເບີດອື່ນເກີດຂຶ້ນຢູ່ບ້ານ Chargoo, ໃກ້ກັບຊາຍແດນ ອາບການິດສະຖານ ເຮັດໃຫ້ພາລະກອນປ້ອງກັນຄວາມສະຫງົບ 2 ຄົນເສຍຊີວິດ.