ຍີ່ປຸ່ນ ກະຕຸກຊຸກຍູ້ໃຫ້ ສ.ເກົາຫຼີ ປະຕິບັດບັນດາຂັ້ນຕອນແກ້ໄຂການໂຕ້ຖຽງກັນລະຫວ່າງສອງຝ່າຍ
(VOVWORLD) - ວັນທີ 24 ທັນວາ, ທ່ານນາຍົກລັດຖະມົນຕີ ຍີ່ປຸ່ນ Abe Shinzo ໄດ້ເນັ້ນໜັກວ່າ ຄວາມຮັບຜິດຊອບຂອງສ.ເກົາຫຼີແມ່ນຍົກອອກບັນດາມາດຕະການເພື່ອແນໃສ່ແກ້ໄຂການໂຕ້ຖຽງກັນລະຫວ່າງສອງຝ່າຍ, ເຊິ່ງໄດ້ເຮັດໃຫ້ການພົວພັນລະຫວ່າງ ສອງປະເທດຕົກເຂົ້າສູ່ລະດັບຮ້າຍແຮງທີ່ສຸດໃນຫຼາຍທົດສະວັດທີ່ຜ່ານມາ.
|
 ທ່ານນາຍົກລັດຖະມົນຕີ ຍີ່ປຸ່ນ Abe Shinzo ແລະ ທ່ານ ປະທານາທິບໍດີສ.ເກົາຫຼີ Moon Jae-in
(ພາບ: Reuters)
|
ທ່ານ Abe ໄດ້ຍົກອອກຄຳຄິດເຫັນດັ່ງກ່າວທີ່ກອງປະຊຸມຖະແຫຼງຂ່າວຢູ່ ນອກກອງປະຊຸມສຸດຍອດ 3 ຝ່າຍກັບບັນດາຄູ່ຮ່ວມມືຈີນ ແລະ ສ.ເກົາຫຼີທີ່ພວມ ດຳເນີນຢູ່ນະຄອນເຈີ້ງຕູ ປະເທດຈີນ. ທ່ານນາຍົກລັດຖະມົນຕີ ຍີ່ປຸ່ນ ເຫັນດີກັບຂໍ້ສັງເກດຮ່ວມມືດ້ານຄວາມໝັ້ນຄົງລະຫວ່າງ 3 ຝ່າຍ ຂອງ 2 ປະເທດນີ້ ກັບ ອາມເລິກາ ແມ່ນມີຄວາມຈຳເປັນຍິ່ງ, ພ້ອມທັງສະແດງຄວາມປາດຖະໜາຢາກປັບປຸງການພົວພັນລະຫວ່າງ ຍີ່ປຸ່ນ - ສ.ເກົາຫຼີ.
ສ່ວນທ່ານ ປະທານາທິບໍດີສ.ເກົາຫຼີ Moon Jae-in ໄດ້ຮຽກຮ້ອງໃຫ້ ທ່ານນາຍົກລັດຖະມົນຕີ ຍີ່ປຸ່ນສົ່ງຖອນຄືນບັນດາມາດຕະການຈຳກັດການສົ່ງອອກທັງໝົດທີ່ເລັ່ງໃສ່ເຊີອຸນ ເຊິ່ງໄດ້ຈັດວາງເມື່ອຕົ້ນເດືອນ ກໍລະກົດ ປີ 2019.