(VOVWORLD) -ວັນທີ 09 ກຸມພາ, ຍີ່ປຸ່ນ ໄດ້ຍິງລູກຈະຫລວດຍູ້ H2A ສຳເລັດຜົນ ເພື່ອສົ່ງດາວທຽມເກັບເອົາຂໍ້ມູນຂ່າວສານຂອງລັດຖະບານປະເທດນີ້ຂຶ້ນສູ່ວົງໂຄຈອນຂອງໜ່ວຍພິພົບ.
 ພາບ: Kyodo/TTXVN |
ລູກຈະຫລວດຍູ້ H2A ໂດຍກຸ່ມບໍລິສັດ Mitsubishi Heavy Industries Ltd ແລະ ອົງການພະຈົນໄພອາວະກາດ ຍີ່ປຸ່ນ ບັນຊາ, ລູກຈະຫລວດດັ່ງກ່າວ ໄດ້ຍິງຈາກສູນຍານອາວະກາດ Tanegashima ຢູ່ແຂວງ Kagoshima, ທາງພາກໃຕ້ປະເທດນີ້. ດາວທຽມເກັບເອົາຂໍ້ມູນຂ່າວສານນີ້ ຈະຮັບໜ້າທີ່ຈາກ 1 ໃນຈຳນວນ 7 ດາວທຽມສອດແນມຂອງລັດຖະບານ ຍີ່ປຸ່ນ, ໃນນັ້ນ ມີດາວທຽມຕິດຕາມທຸກການກະທຳຂອງບັນດາເຂດທົດລອງລູກສອນໄຟຂອງ ສປປ.ເກົາຫຼີ.