(vovworld) – ວັນທີ 24/01, ຍີ່ປຸ່ນ ໃຫ້ຄຳໝັ້ນສັນຍາ ຈະບໍ່ປະລະບັນດາຄວາມມານະພະຍາຍາມເພື່ອແນໃສ່ກູ້ຊີວິດຕົວປະກັນ 2 ຄົນ ເຊິ່ງແມ່ນພົນລະເມືອງຂອງປະເທດນີ້ຖືກບັນດາມືປືນກໍ່ການຮ້າຍລອກຈັບຕົວ. ປະຈຸບັນ, ຍັງບໍ່ທັນມີຂ່າວກ່ຽວກັບຕົວປະກັນ 2 ຄົນດັ່ງກ່າວ, ພາຍຫຼັງກຳນົດເວລາສຸດທ້າຍກວ່າ 1 ວັນເພື່ອໃຫ້ລັດຖະບານຍີ່ປຸ່ນມອບຄຳໄຖ່.
ກ່າວຄຳເຫັນຕໍ່ກັບວົງການນັກຂ່າວ, ທ່ານລັດຖະມົນຕີຊ່ວຍວ່າການກະຊວງການຕ່າງປະເທດຍີ່ປຸ່ນ Yasuhide Nakayama ໃຫ້ຮູ້ວ່າ, ນີ້ແມ່ນວຽກງານຫຍຸ້ງຍາກ ແຕ່ຍີ່ປຸ່ນ ຈະມານະພະຍາຍາມຈົນສຸດຄວາມສາມາດຂອງຕົນເພື່ອນຳຕົວປະກັນກັບເມື່ອບ້ານ. ໃນຂະນະນັ້ນ, ທ່ານລັດຖະມົນຕີການຕ່າງປະເທດ Fumio Kishida ກໍ່ໃຫ້ຮູ້ວ່າ “ບໍ່ມີຫຍັງເພື່ອແຈ້ງໃຫ້ຊາບ” ພາຍຫຼັງຈັດຕັ້ງການພົບປະກັບກຳລັງຮີບດ່ວນໃນຕອນເຊົ້າວັນທີ 23/01.