ຍີ່ປຸ່ນ, ອັງກິດ ຮ່ວມມືກັນຊຸກຍູ້ການຫັນເຂດມະຫາສະຫມຸດອິນເດຍ - ປາຊີຟິກເປັນ ເສລີ ແລະ ເປີດກ້ວາງ
(VOVWORLD) -ການນຳສອງທ່ານ ໄດ້ຢັ້ງຢືນວ່າ ການຮ່ວມມືຢ່າງແໜ້ນແຟ້ນ ເພື່ອແນໃສ່ສ້າງເງື່ອນໄຂໃຫ້ແກ່ການຢ້ຽມຢາມຂອງກຸ່ມກ່ຳປັ່ນສູ້ຮົບຂອງ ອັງກິດ ໂດຍກ່ຳປັ່ນສະໜາມບິນ HMS Queen Elizabeth ນຳໜ້າໄປຍັງເຂດນີ້.
 ກ່ຳປັ່ນສະໜາມບິນ HMS Queen Elizabeth (ພາບ: AFP/TTXVN) |
ທີ່ການໂອ້ລົມສົນທະນາໃນວັນທີ 28 ພຶດສະພາ, ທ່ານນາຍົກລັດຖະມົນຕີ ຍີ່ປຸ່ນ Yoshihide Suga ແລະ ຄູ່ຮ່ວມຕຳແໜ່ງ ອັງກິດ ທ່ານ Boris Johnson ໄດ້ເຫັນດີເປັນເອກະພາບຈະເພີ່ມທະວີການຮ່ວມມືຢ່າງແໜ້ນແຟ້ນ ເພື່ອແນໃສ່ປະຕິບັດການຫັນເຂດມະຫາສະຫມຸດອິນເດຍ - ປາຊີຟິກ ເປັນເສລີ ແລະ ເປີດກ້ວາງ.
ການນຳສອງທ່ານ ໄດ້ຢັ້ງຢືນວ່າ ການຮ່ວມມືຢ່າງແໜ້ນແຟ້ນ ເພື່ອແນໃສ່ສ້າງເງື່ອນໄຂໃຫ້ແກ່ການຢ້ຽມຢາມຂອງກຸ່ມກ່ຳປັ່ນສູ້ຮົບຂອງ ອັງກິດ ໂດຍກ່ຳປັ່ນສະໜາມບິນ HMS Queen Elizabeth ນຳໜ້າໄປຍັງເຂດນີ້.
ຄາດວ່າ, ກ່ຳປັ່ນ Queen Elizabeth ຈະແວ່ຢາມທ່າກ່ຳປັ່ນຂອງປະມານ 40 ປະເທດ, ໃນນັ້ນມີ ຍີ່ປຸ່ນ, ອິນເດຍ ແລະ ສ.ເກົາຫຼີ. ຢູ່ຍີ່ປຸ່ນ, ກ່ຳປັ່ນມີແຜນການເຂົ້າຮ່ວມການຊ້ອມຮົບຮ່ວມກັບກຳລັງປ້ອງກັນ ຍີ່ປຸ່ນ. ການນຳສອງປະເທດ ກໍ່ເຫັນດີເປັນເອກະພາບ ຈະຮ່ວມມືກັນເພື່ອເຮັດໃຫ້ກອງປະຊຸມສຸດຍອດກຸ່ມບັນດາປະເທດອຸດສາຫະກຳພັດທະນາແຖວໜ້າໂລກ (G7) ຢູ່ Cornwall, ປະເທດ ອັງກິດຕາເວັນຕົກສ່ຽງເໜືອ ທີ່ໄດ້ດຳເນີນໃນເດືອນຈະມາເຖິງ ຈະປະສົບຜົນສຳເລັດຢ່າງຈົບງາມ.