ກ່ຳປັ່ນລຳໜຶ່ງຂອງ ຍີ່ປຸ່ນ (ພາບປະກອບ: AFP/TTXVN)

        ວັນທີ 13 ກັນຍາ, ກຳລັງປ້ອງກັນທາງທະເລຂອງ ຍີ່ປຸ່ນ (MSDF) ແຈ້ງໃຫ້ຊາບວ່າ ຈະດຳເນີນການຊ້ອນຮົບຮ່ວມກັບກອງທັບ ອິນເດຍ ເປັນເວລາ 1 ອາທິດ, ເລີ່ມແຕ່ວັນທີ 11 ກັນຍາ, ຢູ່ເຂດທີ່ແກ່ຍາວຈາກທະເລ Andaman ຫາເຂດອ່າວ Bengal ຍຸດທະສາດຢູ່ມະຫາສະມຸດ ອິນເດຍ.

        ການຊ້ອມຮົບຮ່ວມດຳເນີນພາຍຫຼັງທີ່ ຍີ່ປຸ່ນ ແລະ ອິນເດຍ ດຳເນີນການເຈລະຈາຄວາມໝັ້ນຄົງ “2+2” ທີ່ ໂຕກຽວ ໃນວັນທີ 08 ກັນຍາ. ທີ່ການເຈລະຈານີ້, ລັດຖະມົນຕີການຕ່າງປະເທດ ແລະ ລັດຖະມົນຕີກະຊວງປ້ອງກັນປະເທດຂອງ 2 ປະເທດ ໄດ້ເຫັນດີເພີ່ມທະວີການຮ່ວມມືດ້ານປ້ອງກັນຊາດ 2 ຝ່າຍ, ໃນນັ້ນມີເລື່ອງດຳເນີນບັນດາການຊ້ອມຮົບຮ່ວມ. ຫົວໜ້າເສນາທິການໃຫຍ່ MSDF ຢືນຢັນວ່າ ການຊ້ອມຮົບຮ່ວມຈະ “ປະກອບສ່ວນຫຼາຍພໍສົມຄວນໃຫ້ແກ່ເປົ້າໝາຍຫັນພາກພື້ນ ມະຫາສະມຸດອິນເດຍ - ປາຊີຟິກ ເປັນເສລີ ແລະ ເປີດກວ້າງ”, ພ້ອມກັນນັ້ນ ກໍ່ເນັ້ນໜັກເຖິງຄຳໝັ້ນສັນຍາເພີ່ມທະວີການຮ່ວມມືລະຫວ່າງ ຍີ່ປຸ່ນ ແລະ ອິນເດຍ.