(ພາບປະກອບ: Kyodo)

ຕອນເຊົ້າວັນທີ 07 ມັງກອນ, ທ່ານລັດຖະມົນຕີກະຊວງການຕ່າງປະເທດ ແລະ ລັດຖະມົນຕີກະຊວງປ້ອງກັນປະເທດ ຍີ່ປຸ່ນ ແລະ ອາເມລິກາ ໄດ້ດຳເນີນກອງປະຊຸມທາງໄກ ດ້ວຍຈຸດປະສົງຮັດແໜ້ນການພົວພັນສຳພັນທະມິດກວ່າອີກ. ນີ້ແມ່ນກອງປະຊຸມຄວາມໝັ້ນຄົງທຳອິດລະຫວ່າງລັດຖະມົນຕີການຕ່າງປະເທດ ແລະ ລັດຖະມົນຕີກະຊວງປ້ອງກັນປະເທດ 2 ປະເທດ (ກອງປະຊຸມ 2+2) ນັບແຕ່ເມື່ອທ່ານນາຍົກລັດຖະມົນຕີ ຍີ່ປຸ່ນ Kishida Fumio ຮັບດຳລົງຕຳແໜ່ງເມື່ອເດືອນ ຕຸລາ 2021.

        ທີ່ກອງປະຊຸມຄັ້ງນີ້, 2 ຝ່າຍຈະປຶກສາຫາລືກ່ຽວກັບວິທີຊຸກຍູ້ການພົວພັນຮ່ວມມືໃນຂົງເຂດອາວະກາດ ແລະ ຄວາມໝັ້ນຄົງທາງເຄືອຂ່າຍອີນເຕີແນັດ, ກໍຄືປຶກສາຫາລືກ່ຽວກັບບັນຫາການແບ່ງປັນລະຫວ່າງກຳລັງ ອາເມລິກາ ແລະ ກຳລັງປ້ອງກັນຂອງ ຍີ່ປຸ່ນ ໃນສະພາບ ໂຕກຽວ ຊັ່ງຊາການຄັດເລືອກ ກ່ອນທີ່ຈະພິຈາລະຈາເລື່ອງດັດປັບຍຸດທະສາດຄວາມໝັ້ນຄົງແຫ່ງຊາດ ໃນທ້າຍປີ 2022.

        ໃນຖະແຫຼງການເຊິ່ງໄດ້ຍົກອອກມາໃນເວລາເລີ່ມປະຊຸມ, ທ່ານລັດຖະມົນຕີການຕ່າງປະເທດຍີ່ປຸ່ນ Hayashi ຢືນຢັນວ່າ, ຍີ່ປຸ່ນ ໃຫ້ຄຳໝັ້ນສັນຍາ ຊຸກຍູ້ການພົວພັນສຳພັນທະມິດກັບ ອາເມລິກາ ຢ່າງບໍ່ຢຸດຢັ້ງ ເພື່ອມຸ່ງໄປເຖິງການປະຕິບັດການຫັນ “ມະຫາສະມຸດອິນເດຍ - ປາຊີຟິກ ທີ່ເສລີ ແລະ ເປີດກວ້າງ” ໃຫ້ປະກົດຜົນເປັນຈິງ.

        ໃນຂະນະນັ້ນ, ຄູ່ຮ່ວມຕຳແໜ່ງ ອາເມລິກາ ທ່ານ Blinken ຢືນຢັນຄືນໃໝ່ວ່າ ການພົວພັນສຳພັນທະມິດ ອາເມລິກາ - ຍີ່ປຸ່ນ ແມ່ນພື້ນຖານຂອງສັນຕິພາບ ແລະ ຄວາມໝັ້ນຄົງຢູ່ພາກພື້ນ, ພ້ອມທັງໃຫ້ຮູ້ວ່າ 2 ປະເທດຄວນພັດທະນາບັນດາ “ເຄື່ອງມືໃໝ່” ເພື່ອແກ້ໄຂໄພນາບຂູ່ທີ່ນັບມື້ນັບເພີ່ມຂຶ້ນ ໃນສະພາບທີ່ມີການກະທຳ ມ້າງທຳລາຍລະບຽບຫຼັກການສາກົນ.