ໝູ່ເກາະທີ່ເກີດການພິພາດ ລະຫວ່າງ ຍີ່ປຸ່ນ ແລະ ຈີນ
ພາບ:internet
|
(vovworld) - ວັນທີ 8/1, ກະຊວງການຕ່າງປະເທດ ຍີ່ປຸ່ນ ໄດ້ຮຽກຕົວເອກອັກຄະລັດຖະທູດ ຈີນ ມາ ເພື່ອຄັດຄ້ານເລື່ອງກຳປັ່ນຂອງຈີນ ສືບຕໍ່ມີຫນ້າຢູ່ເຂດທະເລອ້ອມແອ້ມໝູ່ເກາະທີ່ເກີດການພິພາດ ຊຶ່ງໂຕກຽວ ເອີ້ນວ່າ Senkeku ແລະ ປັກກີ່ງ ເອີ້ນວ່າ ຕຽວອີ້ ຢູ່ ທະເລຮວາຕຸງ. ຕາມແຈ້ງການຂອງກະຊວງການຕ່າງປະເທດ ຍີ່ປຸນ ແລ້ວ, ທ່ານ Akitaka Saiki ຮອງລັດຖະມົນຕີການຕ່າງປະເທດ ຍີ່ປຸ່ນ ໄດ້ພົບປະກັບເອກອັກຄະລັດຖະທູດ ຈີນ ປະຈຳ ຍີ່ປຸ່ນ ເຈີງຢົງຮົວ. ທີ່ການພົບປະ, ທ່ານ Saiki ໄດ້ຄັດຄ້ານຢ່າງແຮງກ່ຽວກັບເລື່ອງ ກຳປັ່ນ 4 ລຳຂອງ ຈີນ ມີຫນ້າຢູ່ອ້ອມແອ້ມໝູ່ເກາະ Senkaku ໃນວັນທີ 7/1 ຜ່ານມາ ພ້ອມທັງຮຽກຮ້ອງອຳນາດການປົກຄອງ ປັກກີ່ງ ຈ່ົງຢຸດຕິບັນດາການເຄື່ອນໄຫວ້ຄ້າຍຄືດັ່ງກ່າວ. ທ່ານເອກອັກຄະລັດຖະທູດ ຈີນ ໄດ້ຢືນຢັນອະທິປະໄຕຂອງປະເທດນີ້ ສຳລັບໝູ່ເກາະ ຕຽວອີ້ ແລະ ໃຫ້ຮູ້ວ່າ: ຈະສົ່ງສານຂອງລັດຖະບານ ຍີ່ປຸ່ນ ເຖິງ ປັກກີ່ງ.
ນີ້ເປັນຄັ້ງທຳອິດ ທີ່ໂຕກຽວ ຮຽກຕົວທ່ານ ເອກອັກຄະລັດຖະທູດ ຈີນ ນັບແຕ່ເມື່ອນາຍົກລັດຖະມົນຕີ ຍີ່ປຸ່ນ Shinzo Abe ສາບານຕົວຮັບຕຳແຫນ່ງເມື່ອວັນທີ 26/12/2012 ຜ່ານມາ.