(ພາບ:anninhthudo.vn)
(vovworld): ວັນທີ 13/1, ກຳລັງປ້ອງກັນຕົວຍີ່ປຸ່ນ (SDF) ໄດ້ດຳເນີນການຊ້ອມຮົບປ້ອງກັນເກາະຢູ່ນະຄອນ Narashino ຂຶ້ນກັບແຂວງ Chiba ໂດຍມີການເຂົ້າຮ່ວມຂອງເຮືອບິນປະມານ 20 ລຳ ແລະ ລົດຫຸ້ນເກາະ 33 ຄັນ. ການຊອ້ມຮົບພຽງແຕ່ມີການເຂົ້າຮ່ວມຂອງກຳລັງຂົນສົ່ງທາງອາກາດ ແລະ ໄດ້ດຳເນີນດ້ວຍການສົມມຸດຖານວ່າກໍລະນີເກາະແຫ່ງໜຶ່ງຂອງຍີ່ປຸ່ນ ຖືກສັດຕູຍຶດຄອງ ແລະ ກຳລັງດັ່ງກ່າວຕ້ອງພະຍາຍາມຍຶດເອົາໂດຍມີການໜູນຊ່ວຍຂອງກອງທັບອາກາດ ແລະ ກອງທັບເຮືອ. ກ່າວຄຳເຫັນຫຼັງການຊ້ອມຮົບ, ທ່ານ Itsunori Onodera ລັດຖະມົນຕີກະຊວງປ້ອງກັນປະເທດຍີ່ປຸ່ນ ໃຫ້ຮູ້ວ່າ: ສະພາບຄວາມສະຫງົບປອດໄພຂອງປະເທດນີ້ພວມຊົ່ວຮ້າຍລົງ ໃນສະພາບການທີ່ບັນດາປະເທດບ້ານໃກ້ເຮືອນຄຽງໄດ້ຍູ້ໄວການສ້າງກອງທັບເປັນທັນສະໄໝ, ພິເສດແມ່ນພາຍຫລັງທີ່ ສປປເກົາຫຼີ ດຳເນີນການຍິງດາວທຽມສອງຄັ້ງທີ່ກໍ່ໃຫ້ເກີດການໂຕ້ຖຽງກັນ. ຕາມທ່ານລັດຖະມົນຕີກະຊວງປ້ອງກັນປະເທດຍີ່ປຸ່ນ Itsunori Onodera ແລ້ວ, ກຳລັງປ້ອງກັນຕົວຍີ່ປຸ່ນ (SDF) ຕ້ອງເດັດດ່ຽວປົກປັກຮັກສາຜືນແຜ່ນດິນແຫ່ງຊາດເພື່ອຮັບປະກັນຄວາມປອດໄພ ແລະ ຊີວິດອິນຊີໃຫ້ປະຊາຊົນຍີ່ປຸ່ນ.