(vovworld) –  ວັນ​ທີ 17/11, ທ່ານ​ລັດ​ຖະ​ມົນ​ຕີ​​ວ່າ​ການ​ກະ​ຊວງ​ການ​ຕ່າງ​ປະ​ເທດ ຍີ່​ປຸ່ນ Fumia Kishada ແລະ ຄູ່​ຕຳ​ແໜ່ງ ຟີ​ລິບ​ປິນ Albert Del Rosario ໄດ້​ເຫັນ​ດີ​ເປັນ​ເອ​ກະ​ສັນ​ກ່ຽວ​ກັບ​ຄວາມ​ສຳ​ຄັນ​ຂອງ​ເລື່ອງ​ນຳ​ໃຊ້​ກົດ​ໝາຍ​ຢູ່​ທະ​ເລ​ ຮ​ວາ​ຕູງ ແລະ ທະ​ເລຕາ​ເວັນ​ອອກ, ບ່ອນ​ທີ່ ຈີນ ພວມ​ເພີ່ມ​ທະ​ວີ​ບ​ັ​ນ​ດາ​ການ​ເຄື່ອນ​ໄຫວ​ເດີນ​ທະ​ເລ​ໄລ​ຍະ​ມໍ່ໆ​ມານີ້. ຕາມ​ບັນ​ດາ​ເຈົ້າ​ໜ​້າ​ທີ່​ກະ​ຊວງ​ການ​ຕ່າງ​ປະ​ເທດ ຍີ່​ປຸ່ນ​ແລ້ວ, ທີ່​ການ​ເຈ​ລະ​ຈາ​ຢູ່​ນະ​ຄອນຫຼວງ ໂຕ​ກຽວ, ລັດ​ຖະ​ມົນ​ຕ​ີການ​ຕ່າງ​ປະ​ເທດ 2 ທ່ານ​ໄດ້​ເຫັນ​ດີ​ເປັນ​ເອ​ກະ​ສັນ​ເພີ່ມ​ທະ​ວີ​ການ​ຮ່ວມ​ມື​ເພື່ອ​ແນ​ໃສ່​ຮັກ​ສາ​ສັນ​ຕິ​ພາບ ແລະ ຄວາມ​ສະ​ຫງົບ​ໃນ​ພາກ​ພື້ນ. ທີ່​ການ​ພົບ​ປະ​ລະ​ຫວ່າງ​ລັດ​ຖະ​ມົນ​ຕີ​ການ​ຕ່າງ​ປະ​ເທດ ທີ່ຈັດ​ຂຶ້ນ​ເນື່ອງ​ໃນ​ໂອ​ກາດ​ທ່ານ Del Rosario ພວມ​ຢູ່​ຢ້ຽມ​ຢາມ ໂຕ​ກຽວ ເພື່ອ​ເຂົ້າ​ຮ່ວມກອງ​ປະ​ຊຸມ​ຫົວ​ເລື່ອງ​ສະ​ເພາະ​ກ່ຽ​ວ​ກັບ​ໂຄງ​ການ​ໜູນ​ຊ່ວຍ​ພັດ​ທະ​ນາ​ທາງ​ການ​ຂອງ ຍີ່​ປຸ່ນ.

        ທັງ ຍີ່​ປຸ່ນ ແລະ ຟິ​ລິບ​ປິນ ລ້ວນ​ແຕ່ມ​ີ​ຄວາມ​ວິ​ຕົກ​ວັງ​ວົນ​ລວມ​​ຕໍ່​ບັນ​ດາ​ການ​ເຄື່ອນ​ໄຫວ​ຂອງ ຈີນ ຢູ່​ທະ​ເລ​ຕາ​ເວັນ​ອອກ ແລະ ທ​ະ​ເລ​ຮ​ວາ​ຕູງ ໄລ​ຍະ​ມໍ່ໆ​ມານີ້, ພ້ອມ​​ກັນ​ນັ້ນ​ຍາມ​ໃດ​ກໍ່​ຍົກ​ສູງ​ເລື່ອງ​ບັນ​ດາ​ປະ​ເທດ​ຕ້ອງ​ເຄົາ​ລົບ​ກົດ​ໝາ​ຍ​ສາ​ກົນ​ບົນ​ທະ​ເລ.