​ນາ​ຍົກ​ລັດ​ຖະ​ມົນ​ຕີ ອິ​ນ​ເດຍ Mamohan Singh ແລະ ນາ​ຍົກ​ລັດ​ຖະ​ມົນ​ຕີ ຍີ່​ປຸ່ນ Shinzo Abe. ພາບ:http://giaoduc.net.vn

(vovworld)-  ​ໃນ​ຂອບ​ເຂດ​ການ​ຢ້ຽມ​ຢາມ​ອິນ​ເດຍ, ວັນ​ທີ 17/1, ທ່ານ Fumio Kishida, ລັດ​ຖະ​ມົນ​ຕີ​ການ​ຕ່າງ​ປະ​ເທດ ຍີ່​ປຸ່ນ ໄດ້​ເຈ​ລະ​ຈາ​ກັບ​ຄູ່​ຕຳ​ແຫນ່ງ​ປະ​ເທດ​ເຈົ້າ​ພາບ ທ່ານ Sushma Swaraj, ໃນ​ນັ້ນ ສອງ​ຝ່າຍ​ໃຫ້​ຄຳ​ໝັ້ນ​ສັນ​ຍາ ຈະ​ຈັດ​ຕັ້ງ​ກອງ​ປະ​ຊຸມ​ລັດ​ຖະ​ມົນ​ຕີ​ການ​ຕ່າງ​ປະ​ເທດ ຍີ່​ປຸ່ນ-ອິນ​ເດຍ ແລະ ອາ​ເມ​ລິ​ກາ ໂດຍ​ໄວ ເພື່ອ​ປັບ​ປຸງ​ສຳ​ພັນ​ທະ​ມິດ​ສາມ​ຝ່າຍ.  ທີ່​ການ​ເຈ​ລະ​ຈາ, ທ່ານ Kishida ໝັ້ນ​ໝາຍ​ກັບ​ລັດ​ຖະ​ມົນ​ຕີ​ການ​ຕ່າງ​ປະ​ເທດ ອິນ​ເດຍ ວ່າ: ກຳ​ລັງ​ປ້ອງ​ກັນ​ຍີ່​ປຸ່ນ ຈະ​ສືບ​ຕໍ່​ເຂົ້າ​ຮ່ວມ​ບັນ​ດາ​ການ​ຊ້ອມ​ຮົບ​ຮ່ວມ​ກັບ ອາ​ເມ​ລິ​ກາ ແລະ ອິນ​ເດຍ. ກ່ຽວ​ກັບ​ການ​ພົວ​ພັນ​ສອງ​ຝ່າຍ, ສອງ​ຝ່າຍ​ເຫັນ​ດີ​ຄວນ​ມາ​ນະ​ພະ​ຍາ​ຍາມ​ເພີ່ມ​ທະ​ວີ​ການ​ພົວ​ພັນ​ປ້ອງ​ກັນ​ຄວາມ​ສະ​ຫງົບ ດ້ວຍ​ການ​ຈັດ​ຕັ້ງ​ການ​ເຈ​ລະ​ຈາ​ຂັ້ນ​ຮອງ​ລັດ​ຖະ​ມົນ​ຕີ​ການ​ຕ່າງ​ປະ​ເທດ ແລະ ລັດ​ຖະ​ມົນ​ຕີ​ປ້ອງ​ກັນ​ປະ​ເທດ​ໂດຍ​ໄວ. ກ່າວ​ຄຳ​ເຫັນ​ກັບ​ນັກ​ຂ່າວ​ພາຍ​ຫລັງ​ການ​ເຈ​ລະ​ຈາ, ທ່ານ​ລັດ​ຖະ​ມົນ​ຕີ​ການ​ຕ່າງ​ປະ​ເທດ ຍີ່​ປຸ່ນ ຢືນ​ຢັນ​ວ່າ: ເລື່ອງ​ຊຸກ​ຍູ້​ການ​ພົວ​ພັນ​ສອງ​ຝ່າຍ ຍີ່​ປຸ່ນ ແລະ ອິນ​ເດຍ ຈະ​ປະ​ກອບ​ສ່ວນ​ແກ້​ໄຂ​ບັນ​ດາ​ບັນ​ຫ​າ​ໃນ​ໂລກ ແລະ ພາກ​ພື້ນ.