ສະຫະພັນບານເຕະ ຫວຽດນາມ ໄດ້ມອບລາງວັນມີມູນຄ່າ 2,7 ຕື້ດົ່ງ ໃຫ້ແກ່ຄະນະນັກກິລາ U23  ຫວຽດນາມ (ພາບ: VOV)

ຕອນຄ່ຳວັນທີ 27 ກຸມພາ, ຢູ່ນະຄອນ ໂຮ່ຈີມິນ, ສະຫະພັນບານເຕະ ຫວຽດນາມ ໄດ້ຈັດຕັ້ງພິທີຕ້ອນຮັບ ແລະ ຍ້ອງຍໍຊົມເຊີຍນັກກິລາ ແລະ ຄະນະຄູຝຶກທິມບານເຕະ U23  ຫວຽດນາມ ພາຍຫຼັງທີ່ຄວ້າໄດ້ແຊມ U23  ອາຊີຕາເວັນອອກສ່ຽງໃຕ້ 2022. ໃນຮອບຊີງຊະນະເລີດທີ່ຈັດຂຶ້ນໃນຕອນຄ່ຳວັນທີ 26 ກຸມພາ ຢູ່ ກຳປູເຈຍ, ລູກໂມ່ງຂອງກອງໜ້າ ເຈິ່ນບ໋າວຕວ່ານ ໄດ້ພາໃຫ້ ທິມບານເຕະ U23 ຫວຽດນາມ ເອົາຊະນະທິມ U23  ໄທ 1 ປະຕູ ຕໍ່ 0 ແລະ ສາມາດຄວ້າແຊັມອາຊີຕາເວັນອອກສ່ຽງໃຕ້ ປີ 2022.

     ທີ່ພິທີ, ສະຫະພັນບານເຕະ ຫວຽດນາມ ໄດ້ມອບລາງວັນມີມູນຄ່າ 2,7 ຕື້ດົ່ງ ໃຫ້ແກ່ຄະນະນັກກິລາ U23  ຫວຽດນາມ. ວິສາຫະກິດຈຳນວນໜຶ່ງກໍມອບຂອງຂວັນດ້ວຍເງິນຈຳນວນ 1,1 ຕື້ດົ່ງ ໃຫ້ແກ່ນັກກິລາ ແລະ ຄະນະຄູຝຶກ. ທ່ານ ດິງເຖ໊ນາມ, ຫົວໜ້າຄູຝຶກບານເຕະ U23  ຫວຽດນາມ ແບ່ງປັນວ່າ:

     “ພວກຂ້າພະເຈົ້າຂໍສະແດງຄວາມຂອບອົກຂອບໃຈມາຍັງແຟນບານເຕະ ຫວຽດນາມ, ກໍຄືຊາວ ຫວຽດນາມ ທີ່ພວມດໍາລົງຊີວິດຢູ່ ກຳປູເຈຍ ທີ່ໄດ້ເຊຍໃຫ້ກຳລັງໃຈພວກຂ້າພະເຈົ້າ. ວິສາຫະກິດ ຢູ່ ກຳປູເຈຍ ກໍສະໜັບສະໜູນຢຸກຢາ, ອາຫານການກິນຕ່າງໆເພື່ອເຂົ້າຮ່ວມການແຂ່ງຂັນ”.

     ນັກກິລາສ່ວນຫຼາຍໃນທິມ U23  ຫວຽດນາມ ແມ່ນຍັງໜຸ່ມແໜ້ນ, ມີອາຍຸພຽງ 19 ຫາ 21 ປີ ເທົ່ານັ້ນ. ແລະນະທີ່ນີ້, ທ່ານ ດິງເຖ໊ນາມ ຫົວໜ້າຄູຝຶກທິມບານເຕະ U23  ຫວຽດນາມ ກໍໄດ້ນຳສະເໜີ ນັກກິລາ 5 ຄົນ ທີ່ຈະເຂົ້າຮ່ວມ Sea Games 31 ຈະມາເຖິງຢູ່ ຫວຽດນາມ.