ທ່ານລັດຖະມົນຕີ ກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ເຈິ່ນຮົ່ງຮ່າ (ພາບ: TTXVN)

ແຜນການສ້າງໂຄງປະກອບພື້ນຖານເສດຖະກິດ ໄລຍະ 2021 – 2025 ຄືນໃໝ່ ໂດຍ ທ່ານ ຫງວຽນຈິຢຸງ ລັດຖະມົນຕີກະຊວງແຜນການ ແລະ ການລົງທຶນ ຫວຽດນາມ ຍື່ນສະເໜີຕໍ່ສະພາແຫ່ງຊາດ ໃນຕອນບ່າຍວັນທີ 29 ຕຸລາ ໄດ້ເພີ່ມເຕີມ ໜ້າທີ່ ເພື່ອແນໃສ່ຍາດແຍ່ງ ກາລະໂອກາດ ແລະ ແກ້ໄຂບັນຫາຍຸດທະສາດໃຫ້ເປັນຢ່າງດີ ເພື່ອໃຫ້ຫວຽດນາມ ພັດທະນາ ໄວ ແລະ ຍືນຍົງ.

ແຜນການໄດ້ກຳນົດ ຖືເອົາການປັບປຸງລະບອບບຽບການ, ການຫັນເປັນດີຈີຕອນ ແລະ ການປ່ຽນແປງໃໝ່ປະດິດຄິດສ້າງ ເປັນການບຸກທະລຸ, ຖືເອົາການສ້າງໂຄງປະກອບເສດຖະກິດຄືນໃໝ່, ການພັດທະນາເສດຖະກິດຕົວເມືອງ, ຊຸກຍູ້ການຮ່ວມສຳພັນລະຫວ່າງ ເຂດ, ລະຫວ່າງຕົວເມືອງ - ຊົນນະບົດ ແລະ ບົດບາດນຳພາໃນການປ່ຽນແປງໃໝ່ ຮູບແບບການເຕີບໂຕຂອງ ເຂດເສດຖະກິດຈຸດສຸມ, ເຂດຕົວເມືອງໃຫຍ່ ເປັນໜ້າທີ່ຈຸດສຸມ. ແກ້ໄຂຮົ້ວກີດຂວາງດ້ານລະບອບລະບຽບການ ຕາມທິດ ຕິດຂັ້ດຢູ່ຂັ້ນໃດ ແມ່ນຂັ້ນນັ້ນເປັນເຈົ້າການ ປັບປຸງແກ້ໄຂໃຫ້ສຳເລັດ.

ເປົ້າໝາຍສັງລວມຂອງ ແຜນການແມ່ນ ແນໃສ່ສ້າງການປ່ຽນແປງໃໝ່ ຢ່າງຈະແຈ້ງໃນຮູບແບບເຕີບໂຕຕາມທິດອີງໃສ່ການເພີ່ມສະມັດຕະພາບ, ຄຸນນະພາບ, ກຳລັງການແກ້ງແຍ້ງ, ນຳໃຊ້ແຫຼ່ງກຳລັງຢ່າງມີປະສິດທິຜົນ, ມີລັກສະນະເປັນເຈົ້າການ ແລະ ສາມາດຮັບມືຂອງພື້ນຖານເສດຖະກິດ, ມຸ່ງໄປເຖິງພື້ນຖານເສດຖະກິດທີ່ອີງໃສ່ວິທະຍາສາດ - ເຕັກໂນໂລຢີ, ການປ່ຽນແປງໃໝ່, ປະດິດຄິດສ້າງ, ຮັບປະກັນການພັດທະນາໄວ, ຍືນຍົງ, ກົມກ່ຽວ ເທື່ອລະກ້າວ.

ແລະກໍ່ໃນຕອນບ່າຍວັນທີ 29 ຕຸລາ, ໃນຂອບເຂດກອງປະຊຸມສະໄໝສາມັນເທື່ອທີ 2 ຂອງສະພາແຫ່ງຊາດຊຸດທີ XV, ທ່ານລັດຖະມົນຕີ ກະຊວງຊັບພະຍາກອນ ແລະ ສິ່ງແວດລ້ອມ ຫວຽດນາມ ເຈິ່ນຮົ່ງຮ່າ ໄດ້ຂຶ້ນລາຍງານໃບສະເໜີ ກ່ຽວກັບການຄາດຄະເນແຜນກຳນົດການນຳໃຊ້ທີ່ດິນ ແຫ່ງຊາດ ໄລຍະ 2021 – 2030, ວິໄສທັດຮອດປີ 2050 ແລະ ແຜນການນຳໃຊ້ທີ່ດິນໄລຍະ 5 ປີ 2021 – 2025.