(ທ່ານຮອງນາຍົກລັດຖະມົນຕີ ຫງວຽນຊວນຟຸກ )
(vovworld) – ຕອນເຊົ້າວັນທີ 18/1, ຢູ່ຮ່າໂນ້ຍ ໄດ້ດຳເນີນກອງປະຊຸມສະຫລຸບວຽກງານປີ 2015 ແລະ ຜັນຂະຫຍາຍໜ້າທີ່ປີ 2016 ຂອງຄະນະຊີ້ນຳແຜນຮ່າງສັງລວມຫັນລະບຽບການບໍລິຫານ, ໜັງສືປະຈຳຕົວຂອງພົນລະເມືອງ ແລະ ບັນດາພື້ນຖານຂໍ້ມູນຕ່າງໆທີ່ກ່ຽວຂ້ອງເຖິງການຄຸ້ມຄອງພົນລະເມືອງ (ແຜນຮ່າງ 896)ເປັນງາຍດາຍ. ກ່າວຄຳເຫັນຊີ້ນຳກອງປະຊຸມ, ທ່ານຮອງນາຍົກລັດຖະມົນຕີ ຫວຽດນາມ ຫງວຽນຊວນຟຸກ, ຫົວໜ້າຄະນະຊີ້ນຳ, ສະເໜີຫ້ອງການຄະນະຊີ້ນຳອະນຸມັດ ປະກາດໃຊ້ແຜນການຜັນຂະຫຍາຍປະຕິບັດແຜນຮ່າງ 896 ປີ 2016 ໂດຍໄວ ເພື່ອເປັນພື້ນຖານ ເພື່ອໃຫ້ບັນດາກະຊວງ, ຂະແໜງການສ້າງແຜນການຜັນຂະຫຍາຍປະຕິບັດ, ແກ້ໄຂບັນດາສິ່ງຕິດຂັດ ແລະ ຄວາມຫຍຸ້ງຍາກໃນວິວັດການຜັນຂະຫຍາຍໃຫ້ທັນການ, ບົນຈິດໃຈຮັບປະກັນຄວາມຄືບໜ້າ, ລັກສະນະວິທະຍາສາດ, ຄວາມເປັນໄປໄດ້ຂອງວິທີການ ເຊິ່ງໄດ້ຮັບອະນຸມັດ. ທ່ານຮອງນາຍົກລັດຖະມົນຕີ ຫງວຽນຊວນຟຸກ ໃຫ້ຮູ້ວ່າ:
“ ກ່ຽວກັບພື້ນຖານຂໍ້ມູນແຫ່ງຊາດກ່ຽວກັບພົນລະເມືອງ ບັນດາສະຫາຍຕ້ອງປະຕິບັດຕາມລະບຽບການ ແຕ່ບົນຈິດໃຈຍູ້ໄວຄວາມຄືບໜ້າ ຍ້ອນວ່າ ໃນວຽກງານທີ່ກ່ຽວຂ້ອງເຖິງປະຊາຊົນ ພວກເຮົາຕ້ອງສຸມໃສ່ດີກ່ວາ ເພື່ອສ້າງເງື່ອນໄຂສະດວກໃຫ້ແກ່ປະຊາຊົນ ຫລຸດຜ່ອນຄ່າໃຊ້ຈ່າຍ ປັບປຸງສະພາບແວດລ້ອມແຫ່ງການລົງທຶນດຳເນີນທຸລະກິດ ແລະ ເຊື່ອມໂຍງເຂົ້າກັບສາກົນ”