(vovworld) – ວັນ​ທີ 23/9, ຢູ່​ນະຄອນ ບັກ​ຢາງ, ຄະນະ​ເລຂາ​ສູນ​ກາງ​ພັກ​ກອມ​ມູນິດ ຫວຽດນາມ ​ໄດ້​ຈັດ​ຕັ້ງ​ກອງ​ປະຊຸມ​ແລກປ່ຽນ​ວຽກ​ງານ​ລະຫວ່າງ ບັນດາ​ແຂວງ​ເຂດ​ພູດ​ອຍທາງ​ຕາ​ເວັນ​ອອກສຽງ​ເໜືອ ກ່ຽວ​ກັບ​ການ​ປະຕິບັດ​ຄຳ​ສັ່ງ​ເລກທີ 03 ຂອງ​ກົມ​ການ​ເມືອງ ກ່ຽວ​ກັບ​ການ​ສືບ​ຕໍ່​ຍູ້​ແຮງ​ການ​ຮຳ່ຮຽນ ​ແລະ ປະຕິບັດ​ຕາມ​ແບບຢ່າງ​ຄຸນສົມບັດ​ຂອງ​ປະ​ທານ ​ໂຮ່ຈີ​ມິນ. ກ່າວ​ຄຳ​ເຫັນ​ຊີ້ນຳກອງ​ປະຊຸມ, ທ່າ​ນ ​ເຈີ່ນກວກ​ເວື້ອງ, ​ເລຂາ​ສູນ​ກາງ​ພັກ, ຫົວໜ້າ​ຫ້ອງ​ວ່າການ​ສູນ​ກາງ​ພັກ​ກອມ​ມູນິດ ຫວຽດນາມ, ສະ​ເໜີ​ວ່າໃນ​ໄລຍະ​ຈະ​ມາ​ເຖິງຄະນະ​ພັກ, ການ​ນຳ​ບັນດາ​ທ້ອງ​ຖິ່ນ​ເຂດ​ພູດ​ອຍທາງຕາ​ເວັນ​ອອກສຽງ​ເໜືອ ຄວນ​ຫັນ​ວຽກ​ງານ​ການ​ຮຳ່ຮຽນ ​ແລະ ປະຕິບັດ​ຕາມ​ແບບຢ່າງ​ຄຸນສົມບັດ ປະທານ ​ໂຮ່ຈີ​ມິນ ​ໃຫ້ກາຍ​ເປັນວຽກ​ງານ​ປະຈຳ​ວັນ. ທ່ານ ​ເຈີ່​ນກວກ​ເກື້ອ​ງ ກໍ່​ຮຽກຮ້ອງ​ໃຫ້​ການປະຕິບັດ​ຄຳ​ສັ່ງ​​ເລກທີ 3 ຂອງ​ກົ​ມການ​ເມືອງຄວນ​ຕິດ​ພັນ​ກັບ​ການ​ປະຕິບັດ​ມະຕິ​ສູນ​ກາງ​ຄັ້ງທີ 4 (ຊຸດ​ທີ 11) ​ແລະ ບັນດາ​ຂໍ້ກຳນົດ​ກ່ຽວ​ກັບ​ບັນດາຂໍ້​ມາດຕາ​ທີ່​ສະມາ​ຊິກ ພັກ ບໍ່​ໄດ້​ເຮັດ.