(ພາບປະກອບ: cinet.gov.vn)

(vovworld)- ​ຕອນ​ເຊົ້າວັນ​ທີ 30/5, ຢູ່​ຮ່າ​ໂນ້ຍ, ກົມ​ໃຫ່ຍການທ່ອງທ່ຽວ​ຫວຽດນາມ ສົມທົບ​ກັບ​ສະຫະ​ສະມາຄົມ​ທ່ອງ​ທ່ຽວ​ຫວຽດນາມ ​ແລະ ຄະນະ​ຄຸ້ມ​ຄອງ​ໂຄງການ​ພັດທະນາ​ຄວາມ​ສາມາດ​ທ່ອງ​ທ່ຽວ​ມີ​ຄວາມ​ຮັບຜິດຊອບ​ຕໍ່​ສິ່ງ​ແວດ​ລ້ອມ ​ແລະ ສັງຄົມ (​ໂຄງການ ESRT) ​ໄດ້​ຈັດ​ກອງ​ປະຊຸມຫົວເລື່ອງ​ສະ​ເພາະ​ກ່ຽວ​ກັບ​ວຽກ​ງານໂຄສະນາ, ສົ່ງ​ເສີມ​ການທ່ອງທ່ຽວ​ຫວຽດນາມ ປີ 2013. ກອງ​ປະຊຸມ​ໄດ້​ສະຫລຸບ, ຕີ​ລາຄາ​ວຽກ​ງານສົ່ງ​ເສີມ​ການທ່ອງທ່ຽວ​ແຕ່​ປີ 2000 ມາ​ຮອດ​ປະຈຸ​ບັນ, ວາງ​ອອກ​ບັນດາ​ມາດ​ຕະການ, ​ກົນ​ໄກ, ນະ​ໂຍບາຍລະດົມ​ບັນດາ​ການ​ເຄື່ອນ​ໄຫວສົ່ງ​ເສີມ​ການທ່ອງທ່ຽວ​ເພື່ອ​ແນ​ໃສ່​ຍົກ​ສູງ​ປະສິດທິຜົນ, ລັກສະນະ​ວິຊາ​ຊີບ​ຂອງ​ການ​ເຄື່ອນ​ໄຫວສົ່ງ​ເສີມ​ການທ່ອງທ່ຽວ. ບັນດາ​ຜູ້​ແທນ​ເຂົ້າຮ່ວມ​ກອງ​ປະຊຸມ​ໄດ້​ສຸມ​ໃສ່​ປຶກສາ​ຫາລື​ການ​ກຳນົດ​ທິດ​ທາງ, ໜ້າ​ທີ່​ຈຸດ​ສຸມ ​ແລະ ບັນດາ​ມາດ​ຕະການ​ໃຫ້​ແກ່​ການ​ເຄື່ອນ​ໄຫວສົ່ງ​ເສີມ​ການທ່ອງທ່ຽວຮອດ​ປີ 2020; ​ເຜີຍ​ແຜ່, ​ສະ​ເໜີ​ຍຸດ​ທະ​ສາດ​ສຳ​ພັດ​ກັບ​ຕະຫຼາດ​ທ່ອງ​ທ່ຽວ​ຫວຽດນາມ ​ໄລຍະ 2013-2015 ຂອງ​ຜູ້​ຊ່ຽວຊານ​ໂຄງການ ESRT. ​ແລະ​ ກໍ່​ໃນ​ກອງ​ປະຊຸມ, ບັນດາ​ຜູ້​ແທນ​ໄດ້​ແບ່ງປັນ​ບົດຮຽນ​ໃນ​ການ​ຍູ້​ແຮງວຽກ​ງານສົ່ງ​ເສີມ​ການທ່ອງທ່ຽວຂອງ​ທ້ອງ​ຖິ່ນ​ຕ່າງໆ, ​ແບ່ງປັນ​ບົດຮຽນ​ເພີ່ມທະວີ​ການ​ເຄື່ອນ​ໄຫວ​ສຳພັດ​ກັບ​ຕະຫຼາດຂອງບັນດາ​ວິ​ສາ​ຫະກິດ​ທ່ອງ​ທ່ຽວ​ຂະໜາດ​ໃຫ່ຍ.