ດັກນົງ ພົບປະບັນດາຜູ້ມີຍົດຖາບັນດາສັກໃນໂອກາດວັນບຸນ ຄຼິດສມາດ
ບັນດາຜູ້ມີຍົດຖາບັນດາສັກຂອງສາສະໜາຄຼິດ ແລະ ຂ່າວປະເສີດ
ເຂົ້າຮ່ວມງານພົບປະ
(ພາບ: ອິນເຕີແນດ)
(vovworld) - ວັນທີ 13/12, ການນຳແຂວງ ດັກນົງ ໄດ້ຈັດພິທີພົບປະສັງສັນຜູ້ມີຍົດຖາບັນດາສັກຂອງສາສະໜາຄຼິດ ແລະ ຂ່າວປະເສີດໃນແຂວງກວ່າ 60 ອົງເນື່ອງໃນໂອກາດວັນບຸນ ຄຼິດສມາດ 2012. ຜູ້ຕາງໜ້າການນຳແຂວງ ໄດ້ຍ້ອງຍໍສັນລະເສີນບັນດາຄວາມມານະພະຍາຍາມຂອງຜູ້ມີຍົດຖາບັນດາສັກ ໃນການປຸກລະດົມປະຊາຄົມຊາວຄຼິດປະຕິບັດບັນດາຂະບວນການແຂ່ງຂັນຮັກຊາດ, ຍົກສູງຈິດໃຈສາມັກຄີ, ຊ່ວຍເຫຼືອກັນພັດທະນາເສດຖະກິດ, ລົບລ້າງຄວາມທຸກຍາກອຶດຫີວ, ປະກອບສ່ວນເຂົ້າໃນການພັດທະນາລວມຂອງແຂວງ. ການນຳແຂວງ ດັກນົງ ຫວັງວ່າ, ດ້ວຍອິດທິພົນຊື່ສຽງ, ຄວາມຮັບຜິດຊອບຂອງຕົນ, ບັນດາຜູ້ມີຍົດຖາບັນດາສັກຈະພະຍາຍາມກວ່າອີກໃນການໂຄສະນາ, ຂົນຂວາຍຊາວຄຼິດປະຕິບັດບັນດາແຜນນະໂຍບາຍ, ແນວທາງຂອງພັກ, ນະໂຍບາຍ, ກົດໝາຍຂອງລັດ, ”ເຄົາລົບພະເຢຊູ, ຮັກຊາດ”, ”ປະຕິບັດວຽກງານສາສະໜາ ແລະ ວຽກງານສັງຄົມເປັນຢ່າງດີ” ປະກອບສ່ວນສ້າງສາປະເທດຊາດ.