(VOVWORLD) -ວັນທີ 23 ກໍລະກົດ, ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ໄດ້ ເຮັດວຽກຢູ່ແຂວງ ດົ່ງນາຍ ກ່ຽວກັບວຽກງານປ້ອງກັນ, ຕ້ານໂລກລະບາດໂຄວິດ-19 ໃນບໍລິເວນແຂວງ.
 ທ່ານຮອງນາຍົກລັດຖະມົນຕີ ຫວຽດນາມ ຫວູດຶກດາມ ເຮັດວຽກຢູ່ແຂວງ ດົ່ງນາຍ(ພາບ: TTXVN)
|
ປະຈຸບັນ, ແຂວງ ດົ່ງນາຍ ພວມປະຕິບັດດການແຍກຫ່າງສັງຄົມນັບແຕ່ເວລາ 0 ໂມງຂອງວັນທີ 09 ກໍລະກົດ. ເຖິງຢ່າງໃດກໍ່ຕາມ, ໃນບໍລິເວນແຂວງຍັງມີເຂດປະຕິບັດການແຍກຫ່າງບໍ່ເຂັ້ມງວດຢູ່ ເຖິງວ່າທາງແຂວງໄດ້ເພີ່ມທະວີການອອກຂ່າວ, ໂຄສະນາ, ຂົນຂວາຍປະຊາຊົນເຄົາລົບ, ສົມທົບກັບການປັບໄໝບັນດາກໍລະນີລະເມີດ.
ກ່ຽວກັບສະພາບການດັ່ງກ່າວ, ທ່ານຮອງນາຍົກລັດຖະມົນຕີ ຮຽກຮ້ອງໃຫ້ແຂວງ ດົ່ງນາຍ ຈົ່ງຊາບຊຶມຈິດໃຈປະຕິບັດການແຍກຫ່າງສັງຄົມຢ່າງເຂັ້ມງວດ, ເສີມຂະຫຍາຍຢ່າງສຸດຂີດບົດບາດຂອງບັນດາອົງການຈັດຕັ້ງ, ໝູ່ຄະນະ, ໜ່ວຍງານໃນການປ້ອງກັນ, ຕ້ານໂລກລະບາດ. ພ້ອມກັນນັ້ນ, ແຂວງ ດົ່ງນາຍ ຕ້ອງຕີລາຄາ, ໄຈ້ແຍກລະດັບ, ຄວາມສ່ຽງຢູ່ແຕ່ລະເຂດຖະໜົນ, ຊຸມຊົນ, ປະຕິບັດການກັ່ນຕອງຜູ້ສົງໄສດ້ວຍການວິໄຈ RT-PCR, ບໍ່ປະໃຫ້ໂລກລະບາດແຜ່ລະບາດອອກສູ່ຊຸມຊົນ.