ທ່ານຮອງນາຍົກລັດຖະມົນຕີ ເລມິງຂ໋າຍ ກ່າວຄຳເຫັນທິີພິທີໄຂ

ຕອນຄ່ຳວັນທີ 30 ທັນວາ, ຢູ່ສະໜາມຫຼວງ ເລີມວຽນ, ນະຄອນ ດາລາດ, ແຂວງ ເລີມດົ່ງ ໄດ້ຈັດພິທີສະເຫຼີມສະຫຼອງ 130 ປີແຫ່ງວັນ ດາລາດ ໄດ້ຮັບການສ້າງຕັ້ງ ແລະ ພັດທະນາ (1893 – 2023), ຕ້ອນຮັບນາມມະຍົດນະຄອນ ປະດິດຄິດສ້າງດົນຕີ ຂອງອົງການສຶກສາ, ວິທະຍາສາດ ແລະ ວັດທະນະທຳ ສປຊ (UNESCO).

          ພິທີສະເຫຼີມສະຫຼອງເພື່ອແນໃສ່ປຸກລຸກຄວາມເອກອ້າງທະນົງໃຈກ່ຽວກັບນະຄອນວິລະຊົນ, ນະຄອນ Festival ດອກໄມ້ ຫວຽດນາມ, ຫວນຄືນປະຫວັດສາດຂອງຂະບວນວິວັດແຫ່ງການສ້າງຕັ້ງ ແລະ ພັດທະນາຂອງນະຄອນ ດາລາດ. ພ້ອມທັງປຸກລຸກຄວາມຄາດຫວັງສ້າງສາ, ພັດທະນານະຄອນ ດາລາດ ໃຫ້ນັບມື້ນັບວັດທະນາຖາວອນ, ຮັ່ງມີ, ສວຍງາມ.

ກ່າວຄຳເຫັນທີ່ພິທີສະເຫຼີມສະຫຼອງ, ທ່ານຮອງນາຍົກລັດຖະມົນຕີ ເລມິງຂ໋າຍ ເນັ້ນໜັກວ່າ: ເຫດການນີ້ໄດ້ປະກອບສ່ວນສ້າງເຄືື່ອງໝາຍ, ຊຸກຍູ້ການໂຄສະນາພາບພົດຂອງນະຄອນ ດາລາດ - ແຂວງ ເລີມດົ່ງ ແມ່ນສະຖານທີ່ທ່ອງທ່ຽວທີ່ດູດດື່ມ, ປອດໄພ, ອະລິຍາທຳ ແລະ ສະໜິດສະໜົມ. ທ່ານຮອງນາຍົກລັດຖະມົນຕີ ເລມິງຂ໋າຍ, ສະເໜີວ່າ:

          “ອຳນາດການປົກຄອງ, ປະຊາຊົນນະຄອນ ດາລາດ ຄວນສືບຕໍ່ຮັກສາ, ເພີ່ມພູນຄູນສ້າງກຸ່ມກ້ອນມະຫາສາມັກຄີທົ່ວປວງຊົນ, ລະດົມ ບັນດາແຫຼ່ງກຳລັງສັງຄົມໃນລະດັບສູງສຸດ, ມີປະສິດທິຜົນແລະ ຂ້ຽວຂາດກ່ວາໃນການລົງທຶນພັດທະນາພື້ນຖານໂຄງລ່າງຢ່າງຄົບຊຸດ, ເໝາະສົມ, ມີປະສິດທິຜົນ, ພິເສດແມ່ນບັນດາໂຄງການພື້ນຖານໂຄງລ່າງຍຸດທະສາດ, ພື້ນຖານວັດທະນະທຳ, ການສຶກສາ, ການແພດ, ສາທາລະນະສຸກ, ພື້ນຖານໂຄງລ່າງຫັນເປັນດີຈີຕອນ, ສ້າງນະຄອນອັດສະລິຍະ, ປະກອບສ່ວນນຳ ດາລາດ ກາຍເປັນທ້ອງຖິ່ນພັດທະນາສຳຄັນຂອງເຂດ, ຂອງປະເທດຊາດ, ເຊິ່ງເປັນຈຸດເຊື່ອມຕໍ່ສຳຄັນກັບພາກພື້ນ ແລະ ໂລກ”.