ດຳລັດເລກທີ 72 ສ້າງເງື່ອນໄຂເພືອ່ ການພັດທະນາ ອິນເຕີເນັດ
ການປະຊຸມຂ່າວແນະນຳດຳລັດເລກທີ 72 ຂອງລັດຖະບານ
|
(Vovworld)- ຫວ່າງແລ້ວນີ້, ລັດຖະບານຫວຽດນາມໄດ້ປະກາດໃຊ້ດຳລັດເລກທີ 72 ກ່ຽວກັບການຄຸ້ມຄອງ, ສະໜອງ, ນຳໃຊ້ອິນເຕີເນັດ ແລະ ຂໍ້ມູນຂ່າວສານທາງເຄືອຂ່າຍອິນເຕີເນັດ. ດຳລັດນີ້ແມ່ນເພື່ອສືບຕໍ່ຊຸກຍູ້ການພັດທະນາອິນເຕີເນັດຢູ່ຫວຽດນາມ, ເພີ່ມເຕີມ ແລະ ສ້າງບັນດາຂໍ້ກຳນົດຄຸ້ມຄອງ, ສະໜອງ, ນຳໃຊ້ອິນເຕີເນັດໃຫ້ສົມບູນແບບ. ຕາມທ່ານລັດຖະມົນຕີກະຊວງຖະແຫຼງຂ່າວ ແລະ ສື່ສານຫວຽດນາມ ຫງວຽນບັກເຊີນ ແລ້ວ, ນີ້ແມ່ນ ດຳລັດທີ່ສຳຄັນທີ່ສຸດໃນການຄຸ້ມຄອງ, ສະໜອງ, ນຳໃຊ້ອິນເຕີເນັດ ແລະ ໃນເວບໄຊສັງຄົມແທນທີ່ດຳລັດເລກທີ 97 ກ່ຽວກັບເນື້ອໃນເຫຼົ້ານັ້ນ. ທ່ານລັດຖະມົນຕີກະຊວງຖະແຫຼງຂ່າວ ແລະ ສື່ສານຫວຽດນາມ ຫງວຽນບັກເຊີນ ໃຫ້ຮູ້ວ່າ :
“ດຳລັດເລກທີ 72 ໄດ້ຍົກອອກບັນດາມາດຕະການແກ້ໄຂທີ່ສຳຄັນເພື່ອຄຸ້ມຄອງລັດ, ຊຸກຍູ້ການພັດທະນານຳໃຊ້ ອິນເຕີເນັດກໍຄືບັນດາ ຂໍ້ມູນຂ່າວສານທາງເຄືອຂ່າຍອິນເຕີເນັດ. ດຳລັດເລກທີ 72 ໄດ້ຍັກອອກບັນດາຫຼັກການໃຫ້ແກ່ການພັດທະນາ ອິນເຕີເນັດ, ຄຸ້ມຄອງຊັບພະຍາກອນ ອິນເຕີເນັດ, ຍົກອອກຫຼັກການໃນການສະໜອງ, ນຳໃຊ້ບັນດາການບໍລິການທາງອິນເຕີເນັດ, ບັນດາຂໍ້ກຳນົດເພື່ອສ້າງບັນດາເວບໄຊສັງຄົມ, ເວບໄຊຕ່າງໆ ກໍຄືການສະໜອງ ຂໍ້ມູນຂ່າວສານທາງເຄືອຂ່າຍໂທລະຄົມເຄື່ອນທີ່ ແລະ ຮັບປະກັນຄວາມປອດໄພໃນການສື່ຂ່າວທາງເຄືອຂ່າຍໃນປະຈຸບັນ. ດ້ວຍການປະກາດໃຊ້ ດຳລັດເລກທີ 72, ຫວຽດນາມສົ່ງເສີມ ແລະ ສືບຕໍ່ສ້າງເງື່ອນໄຂໃຫ້ແກ່ບັນດາວິສາຫະກິດ, ສ່ວນບຸກຄົນສະໜອງ, ຊອກຫາ ແລະແລກປ່ຽນ ຂໍ້ມູນຂ່າວສານທາງເຄືອຂ່າຍອິນເຕີເນັດ. ອາດເວົ້າວ່າ ຈຸດໃໝ່ຂອງ ດຳລັດເລກທີ 72 , ແມ່ນລັດຖະບານໄດ້ມີແບບວິທີເພື່ອຍົກສູງປະສິດທິຜົນວຽກງານຮັບປະກັນຄວາມປອດໄພດ້ານ ຂໍ້ມູນຂ່າວສານ, ຮັບປະກັນລັກສະນະຖືກຕ້ອງຕາມກົດໝາຍຂອງບັນດາ ຂໍ້ມູນຂ່າວສານທາງເຄືອຂ່າຍອິນເຕີເນັດ”