(ພາບປະກອບ:ອິນເຕີເນັດ)
(vovworld)- ທ່ານນາຍົກລັດຖະມົນຕີຫວຽດນາມຫງວຽນເຕິນຢຸ້ງ ຫາກໍ່ເຊັນຂໍ້ຕົກລົງປະກາດໃຊ້ແຜນການຂອງລັດຖະບານ ກ່ຽວກັບການຈັດຕັ້ງຮັບເອົາຄຳເຫັນຈາກປະຊາຊົນຕໍ່ຮ່າງປະມວນກົດໝາຍອາຍາ (ສະບັບປັບປຸງ). ຂໍ້ຕົກລົງດັ່ງກ່າວຊີ້ແຈ້ງວ່າ: ເປົ້າໝາຍຮັບເອົາຄຳເຫັນລວມມີບັນດາປະຊາຊົນທຸກຊັ້ນວັນນະໃນທົ່ວປະເທດ ແລະ ຊາວຫວຽດນາມ ອາໄສຢູ່ຕ່າງປະເທດ. ໄລຍະເວລາຮັບເອົາຄຳເຫັນຈາກປະຊາຊົນກ່ຽວກັບຮ່າງປະມວນກົດໝາຍ ອາຍາ (ສະບັບປັບປຸງ) ຈະເລີ່ມແຕ່ວັນທີ 15/7/2015 ແລະ ສິ້ນສຸດລົງໃນວັນທີ 14/9/2015.
ຄຳເຫັນຈາກປະຊາຊົນປະກອບໃສ່ຮ່າງປະມວນກົດໝາຍສະບັບນີ້ຈະໄດ້ສົ່ງເຖິງອົງການສຳນັກງານທີ່ມີໜ້າທີ່ຮັບຜິດຊອບ ຫຼື ສົ່ງເຖິງກະຊວງຍຸຕິທຳໂດຍກົງ ຢູ່ເຮືອນເລກທີ 60 ຖະໜົນເຈິ່ນຟຸ໋, ບາດິ່ງ, ຮ່າໂນ້ຍ ຫຼື ຜ່ານອີແມວ: boluathinhsu@moj.gov.vn. ຖ້າບຸກຄົນໃດສົ່ງຄຳເຫັນປະກອບເປັນລາຍລັກອັກສອນຜ່ານທາງໄປສະນີແມ່ນບໍ່ຕ້ອງຕິດສະແຕມ.