(vovworld) - ແຜນຮ່າງບຳລຸງສ້າງວິຊາຊີບໃຫ້ແກ່ຄົນງານຊົນນະບົດແມ່ນແຜນນະໂຍບາຍໃຫຍ່ຂອງພັກ, ລັດຫວຽດນາມ, ເຊິ່ງໄດ້ຜັນຂະຫຍາຍການປະຕິບັດໃນໄລຍະ 10 ປີ ແຕ່ປີ 2010 – 2020. ດ້ວຍຍອດມູນຄ່າເກືອບ 26.000 ຕື້ດົງ, ຄາດໝາຍຂອງແຜນຮ່າງແມ່ນ ແຕ່ລະປີຈະບຳລຸງສ້າງຄົນງານຊົນນະບົດໄດ້ປະມານ 1 ລ້ານຄົນ ດ້ວຍຄວາມຫວັງສ້າງກາລະໂອກາດເຮັດວຽກໃຫ້ຫຼາຍ, ເພີ່ມລາຍຮັບໃຫ້ແກ່ຄົນງານຢູ່ເຂດນີ້.
ທີ່ກອງປະຊຸມກ່ຽວກັບການຜັນຂະຫຍາຍການປະຕິບັດແຜນຮ່າງບຳລຸງສ້າງວິຊາຊີບໃຫ້ແກ່ຄົນງານຊົນນະບົດ, ເຊິ່ງຈັດຂຶ້ນໃນວັນທີ 11/01, ທ່ານ ເຈີ່ນດຶກລາຍ, ຮອງລັດຖະມົນຕີກະຊວງຖະແຫຼງຂ່າວ ແລະ ສື່ສານ ຢືນຢັນວ່າ.
“ໃນ 3 ປີຜ່ານມາ, ພວກເຮົາສາມາດບຳລຸງຜູ້ອອກແຮງງານຈຳນວນໜຶ່ງທີ່ມີວິຊາຊີບ ຫຼື ຄວາມສາມາດ. ບຳລຸງສ້າງວິຊາຊີບໃຫ້ແກ່ຄົນງານຊົນນະບົດ ບໍ່ພຽງແຕ່ແມ່ນບຳລຸງສ້າງວິຊາຊີບດ້ານກະສິກຳເທົ່ານັ້ນ ຫາກຍັງມີອາຊີບກະສິກຳ ແລະ ປອດກະສິກຳອີກດ້ວຍ. ໃນການຕີລາລາເບື້ອງຕົ້ນ, ພວກຂ້າພະເຈົ້າໄດ້ສຳຫຼວດຢູ່ທ້ອງຖິ່ນຕ່າງໆ ແລະ ພວກເຮົາບັນລຸໄດ້ຄວາມຮຽກຮ້ອງໃນແຕ່ລະປີໂດຍພື້ນຖານແລ້ວ”.
ຕາມກະຊວງແຮງງານ, ທະຫານເສຍອົງຄະ ແລະ ສັງຄົມແລ້ວ, ຄາດໝາຍຂອງແຜນການໃນປີ 2013 ແມ່ນສອນວິຊາຊີບໃຫ້ຄົນງານຊົນນະບົດ 600.000 ຄົນ. ບັນດາມາດຕະການທີ່ວາງອອກນັ້ນແມ່ນ ສຸມໃສ່ຜັນຂະຫຍາຍທະວີຄຸນບັນດາຮູບແບບສອບວິຊາຊີບທົດລອງທີ່ມີປະສິດທິຜົນ; ສອນວິຊາຊີບຕິດຜັນກັບວິສາຫະກິດ ແລະ ໝູ່ບ້ານຫັດຖະກຳ.