ທ່ານປະທານາທິບໍດີ ຕວັກກີ Recep Tayyip Erdogan (ພາບ: Reuters)

ບັນດາແຫຼ່ງຂ່າວຢູ່ພາກພື້ນໃຫ້ຮູ້ວ່າ ຂະບວນລົດການທະຫານໃໝ່ຂອງກອງທັບ ຕວັກກີ ລວມມີ 60 ຄັນແມ່ນລົດຖັງ, ລົດຫຸ້ມເກາະ, ລົດບັນທຸກໄດ້ແລ່ນເຂົ້າແຂວງ Idlib ແລະ ຍິງປືນຢູ່ບໍລິເວນໃກ້ກັບບັນດາດ່ານສັງເກດການຢູ່ພາກເໜືອ ຊີຣີ. ການປະທະກັນເຮັດໃຫ້ເຮືອບິນເຮລີກອບເຕີລຳໜຶ່ງຂອງກອງທັບ ຊີຣີ ຖືກຍິງຕົກຢູ່ເຂດຊົນນະບົດ Idlib ແລະ ນັກບິນ 2 ຄົນໄດ້ເສຍຊີວິດ.

        ແລະກໍ່ໃນວັນດຽວກັນ, ທ່ານປະທານາທິບໍດີ ຕວັກກີ Recep Tayyip Erdogan ຖະແຫຼງວ່າ ລັດຖະບານ ຊີຣີຈະຊົດໃຊ້ດ້ວຍລາຄາແພງ ຖ້າຫາກບຸກໂຈມຕີໃສ່ກຳລັງຂອງປະເທດນີ້ຢູ່ Idlib, ສະຖານທີ່ເຮັດໃຫ້ພົນທະຫານ ຕວັກກີ 13 ຄົນເສຍຊີວິດໃນ 2 - 3 ວັນຜ່ານມາ. ທ່ານປະທານາທິບໍດີ ຕວັກກີ ກໍ່ໃຫ້ຮູ້ວ່າ: ຈະປະກາດແຜນການລະອຽດກ່ຽວກັບວິທີການຮັບມືຕໍ່ສະພາບການຢູ່ Idlib  ໃນວັນທີ 12 ກຸມພາ.