​(vovworld) – ຕ້ອງ​ຍົກ​ສູງ​ຊີວິດ​ການ​ເປັນ​ຢູ່​​ໃຫ້ແກ່​ຊາວ​ຊົນເຜົ່າ​ສ່ວນ​ໜ້ອຍ​ທີ່ຮັບ​ໜ້າ​ທີ່​ຄຸ້ມ​ຄອງ​ ​ແລະ ​ປົກ​ປັກ​ຮັກສາ​ປ່າ, ນັ້ນ​ແມ່ນ​ຄຳ​ຊີ້​ນຳ​ຂອງ​ທ່ານ​ຮອງ​ນາຍົກລັດຖະມົນຕີ ຮ່ວາງ​ຈຸ​ງຫາຍ ​ເມື່ອ​ໄປ​ສຳ​ຫຼວດຕົວ​ຈິງ​ກ່ຽວ​ກັບ​ການ​ຄຸ້ມ​ຄອງ, ປົກປົກ​ປັກ​ຮັກສາ​ປ່າ ​ແລະ ພັດທະນາ​ຕົ້ນ Macadamia ຢູ່​ເມືອງ ຕຸຍ​ດຶກ, ​ແຂວງ​ດັກ​ລັກ, ​ໃນ​ວັນ​ທີ 08/04. ຢູ່ທີ່​ນີ້, ທ່ານ​ຮອງ​ນາຍົກລັດຖະມົນຕີ ຮ່ວາງ​ຈຸ​ງຫາຍ ​ໄດ້​ຊີ້​ນຳ​ແຂວງ ດັກ​ນົງ ​ແລະ ​ເມືອງ ຕຸຍ​ດຶກ​ ຊອກ​ຫາ​ມາດ​ຕະການ​ແກ້​ໄຂ​ເພື່ອ​ຊ່ວຍ​ໃຫ້​ພໍ່​ແມ່​ປະຊາຊົນຊົນ​ເຜົ່າ​ສ່ວນໜ້ອຍທີ່ຮັບ​ໜ້າ​ທີ່​ຄຸ້ມ​ຄອງ​ປ່າ, ປົກປົກ​ປັກ​ຮັກສາ​ປ່າໃຫ້​ມີ​ລາຍ​ຮັບ​ສູງ, ປັບປຸງ​ຊີວິດ​ການ​ເປັນ​ຢູ່. ທ່ານ​ຮອງ​ນາຍົກລັດຖະມົນຕີ ຮ່ວາງ​ຈຸ​ງຫາຍ ​ໄດ້​ໄປ​ຢ້ຽມຢາມ ​ແລະ ສຳ​ຫຼວດກວດກາ​ສວນ​ກ້າ​ເບ້ຍ​ຂອງ​ບໍລິສັດ​ຫຸ້ນ​ສ່ວນ Macadamia ຢູ່​ຕາ​ແສງ ກວາງ​ເຕີມ. ພາຍຫຼັງ​ຮັບ​ຟັງ​ຜູ້​ຕາງໜ້າ​ບໍລິສັດ ​ແລະ ການ​ນຳ​ທ້ອງ​ຖິ່ນ​ລາຍ​ງານ​​ສະພາບ​ຕົວ​ຈິງກ່ຽວ​ກັບ​ເນື້ອ​ທີ່ປູກຕົ້ນ Macadamia  400 ​ເຮັກ​ຕາ​ໄດ້​ປູກ ​ແລະ ​ເລີ່​ມ​ໃຫ້​ໝາກ, ກໍ່​ຄື​ສືບ​ຕໍ່​ຜັນ​ຂະຫຍາຍ​ປູກ​ຕົ້ນ Macadamia ປະ​ເພດ​ໃໝ່​ເກືອບ 200 ​ເຮັກ​ຕາ, ທ່ານ​ຮອງ​ນາຍົກລັດຖະມົນຕີ ​ໃສ່​ໃຈວ່າ ການ​ນຳ​ທ້​ອງ​ຖິ່ນ, ບັນດາ​ຂະ​ແໜງ​ທີ່​ກ່ຽວຂ້ອງກໍ່​ຄື​ປະຊາຊົນ​ຕ້ອງ​ລະມັດ​ລະ​ວັງ​ໃນ​ການ​ພັດທະນາ​ຕົ້ນ​ໄມ້​ປະ​ເພດ​ນີ້.

        ​ແລະ​ກໍ່​ໃນ​ຕອນ​ບ່າຍ​ວັນ​ດຽວ​ກັນ, ທ່ານ​ຮອງ​ນາຍົກລັດຖະມົນຕີ ຮ່ວາງ​ຈຸ​ງຫາຍ ​ໄດ້​ໄປ​ຢ້ຽມຢາມ ​ແລະ ສຳ​ຫຼວດກວດກາ​​ຄວາມ​ຄືບ​ໜ້າການ​ກໍ່ສ້າງ​ໂຮງງານ Alumin ​ເຍີນ​ເກີ, ​ໂຮງງານ​ໄຟຟ້າ​ຝຸ່ນ​ເຄມີ, ອາ​ລູມີ​ນຽມດັກ​ນົງ; ຢ້ຽມຢາມ ​ແລະ ສຳ​ຫຼວດ​ໂຄງການ​ເປີດ​ກວ້າງ, ຍົກ​ລະດັບ​ເສັ້ນທາງ​ໂຮ່ຈິ​ມິນ ຕອນ​ໄປ​ຜ່ານ​ແຂວງ​ດັກ​ນົງ.