​ນະ​ຄອນ ດາ​ຫນັງ ຈັດພິ​ທີ​ຕ້ອນ​ຮັບ​ນັກ​ທ່ອງ​ທ່ຽວ​ທຳ​ອິດ​ມາ​ຢ້ຽມ​ຢາມ​ນະ​ຄອນ​ໃນ​ໂອ​ກາດບ​ຸນ​ປີ​ໃຫມ່​ປະ​ຈຳ​ຊາດ ພາບ:dantri

(vovworld)- ​​ຕອ​ນ​ເຊົ້າ​ວັນ​ທີ 28/1 (ກົງ​ກັບ​ວັນ​ທີ 1 ບຸນ​ເຕັດ​ປີ​ລະ​ກາ), ນະ​ຄອນ ດາ​ຫນັງ ໄດ້​ຈັດ​ຕັ້ງ​ພິ​ທ​ີ​ຕ້ອນ​ຮັບ​ນັກ​ທ່ອງ​ທ່ຽວ​ສ​າ​ກົນ 170 ຄ​ົນ​ທຳ​ອິດ​ມາ​ຢ້ຽມ​ຢາມ​ນະ​ຄອນ​ໃນ​ໂອ​ກາດ​ບຸນ​ເຕັດ​ປີ​ລະ​ກາ. ຈຳ​ນວນ​ນັກ​ທ່ອງ​ທ່ຽວ​ດັ່ງ​ກ່າວ ແມ່ນ​ມາ​ຈາກ ອົດ​ສະ​ຕາ​ລີ, ອາ​ເມ​ລິ​ກາ, ຮົ່ງ​ກົງ. ໃນ​ພິ​ທີ​ຕ້ອ​ນ​ຮັບ ​ຄະ​ນະ​ຈັດ​ຕັ້ງ ໄດ້​ມອບ​ຂອງ​ຊໍ່​ດອກ​ໄມ້ ແລະ ຂອງ​ຂວັນ​ໃຫ້​ບັນ​ດາ​ນັກ​ທ່ອງ​ທ່ຽວ. ມາ​ຮອດ​ປະ​ຈຸ​ບັນ ດາ​ຫນັງ ມີ 20 ສາຍ​ການ​ບິນ​ສາ​ກົນ, ຍ້ອນ​ເຫດນັ້ນ ຂະ​ແຫນງ​ທ່ອງ​ທ່ຽວ​ທາງ​ການ​ບິນ​ໄດ້​ເພີ່ມ​ຂຶ້ນ​ຢ່າງ​ແຮງ​ນັບ​ທັງ​ຈຳ​ນວນ​ນັກ​ທ່ອງ​ທ່ຽວ ແລະ ຖ້ຽວ​ບິນ, ປະ​ກອບ​ສ່ວນ​ຫລາຍ​ສົມ​ຄວນ​ເຂົ້າ​ໃນ​ຍອດ​ລາຍ​ຮັບ​ທ່ອງ​ທ່ຽວ​ຂອງ ດາ​ຫນັງ. ປີ​ຜ່ານ​ມາ ນະ​ຄອນ ດາ​ຫນັງ ຕ້ອນ​ຮັບ​ນັກ​ທ່ອງ​ທ່ຽວກວ່າ 5,5 ລ້ານ​ເທື່ອ​ຄົນ, ໃນ​ນັ້ນ ນັກ​ທ່ອງ​ທ່ຽວ​ສາ​ກົນ​ກວ່າ 1,6 ລ້ານ​ເທື່ອ​ຄົນ, ຍອດ​ລາຍ​ຮັບ​ທ່ອງ​ທ່ຽວ​ບັນ​ລຸ 16.000 ຕື້​ດົງ.