ກ່ຽວກັບການພົວພັນດ້ານການເມືອງ, 2 ປະເທດມີການພົວພັນຮ່ວມມືເປັນຢ່າງດີ, ໄດ້ສະໜັບສະໜູນກັນຢູ່ບັນດາເວທີປາໄສສາກົນ ແລະ ພາກພື້ນຢ່າງເປັນປະຈຳ. 2 ຝ່າຍມີຄວາມສາມາດບົ່ມຊ້ອນຮ່ວມມືຫລາຍຢ່າງ ເປັນຕົ້ນແມ່ນກ່ຽວກັບຂົງເຂດກະສິກຳ ແລະ ໂທລະຄົມມະນາຄົມ. ເມື່ອຕອບສຳພາດຕໍ່ນັກຂ່າວວິທະຍຸກະຈາຍສຽງ ຫວຽດນາມ ປະຈຳເຂດຕາເວັນອອກກາງ, ອາຟຣິກາ, ທ່ານເອກອັກຄະລັດຖະທູດ ຫວຽດນາມ ຫງວຽນກິມແຢວງ ຖືວ່າ: ຄວາມສາມາດບົ່ມຊ້ອນການພົວພັນຮ່ວມມືລະຫວ່າງ 2 ປະເທດໃນຫລາຍຂົງເຂດແມ່ນໃຫຍ່ຫລວງທີ່ສຸດ. ພິເສດ, ໃນ 3 – 4 ປີມໍ່ໆມານີ້, ຫວຽດນາມ ພົ້ນເດັ່ນຂຶ້ນດ້ວຍການເປັນນັກນຳເຂົ້າໝາກມ່ວງຫິມະພານແຖວໜ້າຂອງ ຕານຊາເນຍ. ລັດຖະບານ ຕານຊາເນຍ ຍາມໃດກໍ່ປາດຖະໜາຢາກໃຫ້ ຫວຽດນາມ ຊ່ວຍພັດທະນາດ້ານກະສິກຳ, ລ້ຽງປູກສິນໃນນ້ຳ; ລົງທຶນກໍ່ສ້າງບັນດາໂຮງງານຜະລິດປຸງແຕ່ງໝາກມ່ວງຫິມະພານ ແລະ ຜະລິດບັນດາຜະລິດຕະພັນອື່ນໆຈາກໝາກມ່ວງຫິມະພານ.