​​(vovworld) -  ​ເນື່ອງ​ໃນ​ໂອກາດສະ​ເຫຼີມສະຫຼອງ 68 ປີ​ແຫ່ງ​ວັນ​ທະຫານ​ເສຍ​ອົງຄະ, ນັກຮົບ​ເສຍສະຫຼະຊີວິດ​ເພື່ອ​ຊາດ (27/07/1947 – 27/07/2015), ຕອນ​ເຊົ້າ​ວັນ​ທີ 27/07, ຄະນະ​ພະນັກງານ​ສະຖານທູດ, ບັນດາ​ອົງການ​ຕ່າງ​ໜ້າ​ຂອງ​ຫວຽດນາມ ​ແລະ ຜູ້ຕາງໜ້າ​ປະຊາ​ຄົມ​ຊາວ​ຫວຽດນາມ ອາ​​ໄສ​ຢູ່ລາຊະ​ອານາຈັກ​ກຳປູ​ເຈຍ ​ໄດ້​ໄປ​ຖະຫວາຍ​ທູບ​ທຽນ, ດອກ​ໄມ້ ​ເພື່ອອາ​ໄລ​ຫາ, ຕອບ​ບຸນ​ແທນ​ຄຸນ​ບັນດາ​ນັກຮົບ​ເສຍສະຫຼິຊີວິດ​ເພື່ອ​ຊາດ​ຢູ່​ອະ​ນຸສາ​ວະລີ​ທະຫານ​ອາສາ​ສະໝັກ​ຫວຽດນາມ ຢູ່​ນະຄອນ​ຫຼອງ​ພະ​ນົມ​ເປັນ. ຄະນະ​ຜູ​້​ແທນ​ໄດ​້ສະຫງວນ​ເວລາ 1 ນາທີ​ເພື່ອອາ​ໄລ​ຫາ, ສະ​ແດງຄວາມ​ຮູ້​ບຸນຄຸນ​ຕໍ່​ບັນດາ​ນັກຮົບ​ວິລະ​ຊົນ​ອາສາ​ສະໝັກ​ຫວຽດນາມ ທີ່​​ເສຍສະຫຼະ​ຊີວິດ​ຢູ່ກຳ​ປູ​ເຈຍ ຜ່ານ​ບັນດາ​ໄລ​ຍະ​ສົງຄາມ. ມີ​ນັກຮົບ, ຜູ້​ຊ່ຽວ​ຊານ​ຫວຽດນາມ ນັບ​ໝື່ນ​ຄົນ​ໄດ້​ເສຍສະຫຼະ​ຊີວິດ​ພາຍຫຼັງ​ປະຕິບັດ​ໜ້າ​ທີ່​ສາກົນ​ຢູ່ກຳ​ປູ​ເຈຍ. ມາ​ຮອດ​ປະຈຸ​ບັນ, ກວ່າ 4.500 ອັດຖິ​ທະຫານ​ອາສາ​ສະໝັກ​ຫວຽດນາມ ຍັງ​ຢູ່​ເຂດ​ດິນ​ແດນ​ກຳປູ​ເຈຍ. ລັດຖະບານ 2 ປະ​ເທດ​ພວມ​ຕັ້ງ​ໜ້າ​ຜັນ​ຂະຫຍາຍ​ວຽກ​ງານ​ຊອກກາ, ທ້ອນ​ໂຮມ, ນຳອັດຖິ​ທະຫານ​ເສຍ​ສະຫຼະ​ຊີວິດ ກັບ​ເມື່ອ​ປະ​ເທດ.