(ທ່ານເລຂາທິການໃຫຍ່ ຫງວຽນຟຸຈ້ອງ
ຖະຫວາຍທູບທຽນບູຊາອາໄລຫາປະທານໂຮ່ຈິມິນ)
(vovworld) - ເມື່ອງໃນໂອກາດສະເຫຼີມສະຫຼອງ 71 ປີແຫ່ງການປະຕິວັດເດືອນສິງຫາ ແລະ ວັດຊາດຫວຽດນາມທີ 02/09 ແລະ 47 ປີແຫ່ງວັນປະທານໂຮ່ຈິມິນ ເຖິງແກ່ມໍລະນະກຳ, ຕອນເຊົ້າວັນທີ 01/09, ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ຫງວຽນຟຸຈ້ອງ ໄດ້ໄປຖະຫວາຍທູບທຽນບູຊາອາໄລຫາປະທານໂຮ່ຈິມິນ ຢູ່ເຂດອະນຸສອນສະຖານປະທານໂຮ່ຈິມິນ ໃນບໍລິເວນສຳນັກງານປະທານປະເທດ. ເມື່ອໂອ້ລົມກັບພະນັກງານ, ພາລະກອນເຂດອະນຸສອນສະຖານ, ທ່ານເລຂາທິການໃຫຍ່ ຫງວຽນຟຸຈ້ອງ ໃຫ້ຮູ້ວ່າ, ເລື່ອງຮ່ຳຮຽນ ແລະ ປະຕິບັດຕາມແນວຄິດ, ຄຸນສົມບັດ, ແບບແຜນການດຳລົງຊີວິດຂອງປະທານໂຮ່ຈິມິນ ແມ່ນຄວນປະຕິບັດຢ່າງເປັນປະຈຳ, ຕໍ່ເນື່ອງ. ຕາມທ່ານເລຂາທິການໃຫຍ່ແລ້ວ, ສິ່ງສຳຄັນກວ່າໝູ່ ແມ່ນພ້ອມກັບການຮ່ຳຮຽນຕາມແບບຢ່າງຄຸນສົມບັດປະທານໂຮ່ຈິມິນ, ແຕ່ລະຄົນຕ້ອງປະຕິບັດດ້ວຍການເຄື່ອນໄຫວຢ່າງແທດຈິງ, ລະອຽດໃນວຽກງານ ແລະ ໃນຊີວິດປະຈຳວັນ.
ແລະກໍໃນຕອນເຊົ້າວັນດຽວກັນ, ທ່ານປະທານປະເທດ ເຈີນດ້າຍກວາງ ໄດ້ໄປຖະຫວາຍທູບທຽນບູຊາອາໄລຫາປະທານໂຮ່ຈິມິນ ຢູ່ເຂດອະນຸສອນສະຖານປະທານໂຮ່ຈິມິນ ໃນບໍລິເວນສຳນັກງານປະທານປະເທດ ເຊັ່ນດຽວກັນ.