ວັນທີ 15 ພະຈິກ, ການນຳບັນດາປະເທດ ອາເມລິກາ, ຍິ່ປຸ່ນ ແລະ ສ.ເກົາຫຼີ ໄດ້ພົບປະກັນຢູ່ນອກສັບປະດາຂັ້ນສູງ ເວທີປາໄສຮ່ວມມືເສດຖະກິດ ອາຊີ-ປາຊີຟິກ (APEC)  ຢູ່ນະຄອນຫຼວງ ລີມາ ປະເທດ ເປຣູ. ບັນດາຝ່າຍໄດ້ອອກຖະແຫຼງການຮ່ວມ ກ່ຽວກັບການພົວພັນຮ່ວມມືສາມຝ່າຍ ແລະ ບັນດາບັນຫາສາກົນສຳຄັນ.

  ຖະແຫຼງການຮ່ວມກ່າວປະນາມບັນດາການກະທຳຂອງ ສປປ.ເກົາຫຼີ ແລະ ລັດເຊຍ ທີ່ໄດ້ລະເມີດຫຼາຍມະຕິຂອງສະພາຄວາມໝັ້ນຄົງ ສປຊ, ພິເສດແມ່ນເລື່ອງ ສປປ.ເກົາຫຼີ ໄດ້ສົ່ງທະຫານໄປຍັງ ລັດເຊຍ; ຢັ້ງຢືນຄືນໃໝ່ຄຳໝັ້ນສັນຍາສຳລັບການປອດນິວເຄຼຍໃນແຫຼມເກົາຫຼີ ຢ່າງຊີ້ນເຊິງ ບົນພື້ນຖານບັນດາມະຕິຂອງ ສະພາຄວາມໝັ້ນຄົງ ສປຊ. ຖະແຫຼງການຮ່ວມຢັ້ງຢືນຄືນໃໝ່ຄວາມສຳຄັນໃນການຮັກສາສັນຕິພາບ ແລະ ສະຖຽນລະພາບຢູ່ເຂດມະຫາສະໝຸດອິນເດຍ-ປາຊີຟິກ ແລະ ໂຄງປະກອບພາກພື້ນໂດຍ ອາຊຽນ ນຳໜ້າ; ຄັດຄ້ານຢ່າງແຮງທຸກຄວາມມານະພະຍາຍາມພຽງລຳພັງຝ່າຍດຽວ ເພື່ອແນໃສ່ປ່ຽນແປງສະພາບການປະຈຸບັນຢູ່ບັນດາເຂດທະເລຢູ່ມະຫາສະໝຸດອິນເດຍ-ປາຊີຟິກ; ສະໜັບສະໜູນຄວາມເປັນລະບຽບຮຽບຮ້ອຍການເດີນເຮືອທົ່ວໂລກ ລວມມີ ສິດເສລີໃນທາງການບິນ ແລະ ທາງທະເລ ອີງຕາມກົດໝາຍສາກົນ ຄືໄດ້ສ່ອງແສງໃນສົນທິສັນຍາ ສປຊ ກ່ຽວກັບກົດໝາຍງວ່າດ້ວຍທະເລ (UNCLOS 1982).