(vovworld)- ​ ​ ​ເນື່ອງ​ໃນ​ໂອ​ກາດ​ທ່ານ​ປະ​ທານ​ປະ​ເທດ​ເຈີນ​ດ້າຍກວາງ ຢ້ຽມ​ຢາມ​ທາງ​ລັດ​ຖະ​ກິດ​ກຳ​ປູ​ເຈຍ ຕາມ​ຄຳ​ເຊີນ​ຂອງ ພະບາດສົມເດັດ ພະບໍຣົມມະນຽດ ໂນໂຣດົມ ສີຫາໂມນີ ພະມະຫາກະສັດ ແຫ່ງ ຣາຊະອານາຈັກ ກຳປູ ເຈຍ, ວັນ​ທີ 16/6, ສອງ​ຝ່າຍ​ໄດ້​ອອກ​ຖະ​ແຫລງ​ການ​ຮ່ວມ ຫວຽດ​ນາມ-ກຳ​ປູ​ເຈຍ. ເນື້ອ​ໃນ​ຖະ​ແຫລງ​ການ​ຮ່ວມ​ໄດ້​ເນັ້ນ​ຫນັກ​ວ່າ ຫວຽດ​ນາມ ແລະ ກຳ​ປູ​ເຈຍ ໃຫ້​ຄຳ​ໝັ້ນ​ສັນ​ຍາ​ສືບ​ຕໍ່​ປັບ​ປຸງ ແລະ ພັດ​ທະ​ນາ​ການ​ພົວ​ພັນ​ລະ​ຫວ່າງ​ສອງ​ປະ​ເທດ​ຕາມ​ທິດ​ທຳ “ບ້ານ​ໃກ້​ເຮືອນ​ຄຽງ​ອັນ​ດີ​ງາມ, ມິດ​ຕະ​ພາບ​ທີ່​ເປັນ​ມູນ​ເຊື້ອ, ການ​ຮ່​ວມ​ມື​ຮອບ​ດ້ານ, ໝັ້ນ​ຄົງ​ຍາວ​ນານ”, ເຄົາ​ລົບ​ເອ​ກະ​ລາດ,ອະ​ທິ​ປະ​ໄຕ ແລະ ຜືນ​ແຜ່ນ​ດິນ​ອັນ​ຄົບ​ຖ້ວນ​ຂອງ​ກັນ, ບໍ່​ແຊກ​ແຊງ​ເຂົ້າ​ວຽກ​ງານ​ພາຍ​ໃນ​ຂອງ​ກັນ ແລະ ບໍ່​ອະ​ນຸ​ຍາດ​ໃຫ້​ບໍ່​ວ່າ​ກຳ​ລັງ​ເປັນ​ປໍ​ລະ​ປັກ​ໃດ​ນຳ​ໃຊ້​ເຂດ​ດິນ​ແດນ​ຂອງ​ປະ​ເທດ​ຕົນ​ເພື່ອ​ນາບ​ຂູ່​ເຖິງ​ຄວາມ​ໝັ້ນ​ຄົງ​ຂອງ​ປະ​ເທດນັ້ນ, ແກ້​ໄຂ​ບັນ​ດາບ​ັນ​ຫາ​ເກີດ​ຂຶ້ນ​ລະ​ຫວ່າງ​ສອ​ງ​ປະ​ເທດ​ດ້ວຍ​ການ​ເຈ​ລະ​ຈາ​ສັນ​ຕິ​ພາບ. ສອງ​ຝ່າຍ​ກໍ​ເຫັນ​ດີ​ເພີ່ມ​ທະ​ວີ​ການ​ພົບ​ປະ​ສອງ​ຝ່າຍ, ແລກ​ປ່ຽນ​ຄະ​ນະ​ຜູ້​ແທນ​ຂັ້ນ​ຕ່າງໆ, ສົ່ງ​ເສີມ​ບັນ​ດາ​ການ​ເຄື່ອນ​ໄຫວ​ພົບ​ປະ​ແລກ​ປ່ຽນ​ປະ​ຊາ​ຊົນ, ໂດຍ​ສະ​ເພາະ​ແມ່ນ​ປະ​ຊາ​ຊົນ​ລະ​ຫວ່າງ​ບັນ​ດາ​ທ້ອງ​ຖິ່ນຢູ່​ຊາຍ​ແດນ. ກ່ຽວ​ກັບ​ການ​ຮ່ວມ​ມື​ດ້ານ​ເສດ​ຖະ​ກິດ, ຫວຽດ​ນາມ ແລະ ກຳ​ປູ​ເຈຍ ເຫັນ​ດີ ສູ້​ຊົນ​ນຳ​ວົງ​ເງິນ​ການ​ຄ້າ​ລະ​ຫວ່າງ​ສອງ​ປະ​ເທດ​ບັນ​ລຸ​ຄາດ​ໝາຍ 5 ຕື້ USD ໃນ​ໄລ​ຍະ​ຈະ​ມາ​ເຖິງ. ສອງ​ຝ່າຍ​ກໍ​ຢືນ​ຢັນ​ຄືນ ສື​ບ​ຕໍ່​ປະ​ຕິ​ບັດ​ບັນ​ດາ​ສົນ​ທິ​ສັນ​ຍາ, ສັນ​ຍາ ແລະ ບັນ​ດາ​ຂໍ້​ຕົກ​ລົງ​ກ່ຽວ​ກັບ​ຊາຍ​ແດນ​ລະ​ຫວ່າງ​ສອງ​ປະ​ເທດ, ສຳ​ເລັດ​ການ​ຂີດ​ເສັ້ນ​ຊາຍ​ແດນ, ປັກ​ຫລັກ​ໝາຍ​ຊາຍ​ແດນ​ທາງ​ບົກ​ລະ​ຫວ່າງ​ສອງ​ປະ​ເທດ​ໂດຍ​ໄວ. ກ່ຽວ​ກັບ​ການ​ປະ​ສານ​ສົມ​ທົບ ແລະ ການ​ຮ່ວມ​ມື​ລະ​ຫວ່າງ​ສອງ​ຝ່າຍ​ທີ່​ເວ​ທີ​ປາ​ໄສ​ຫລາຍ​ຝ່າຍ, ສອງ​ຝ່າຍ​ໃຫ້​ຄຳ​ໝັ້ນ​ສ​ັນ​ຍາ​ສືບ​ຕໍ່​ຊຸ​ກ​ຍູ້​ການ​ສົ​ມ​ທົບ ແລະ ຮ່ວມ​ມືກວ່າ​ອີກ, ແບ່ງ​ປັນ​ຂໍ້​ມູນ​ຂ່າວ ແລະ ສະ​ຫນັບ​ສະ​ຫນູນ​ເຊິ່ງ​ກັນ ແລະ​ກັນ, ເພື່ອ​ຜົນ​ປະ​ໂຫຍດ​ເພີ່ມ​ທະ​ວີ​ຄວາມ​ເປັນ​ເອ​ກະ​ພາບ ແລະ ບົດ​ບາດ​ໃຈ​ກາງ​ຂອງ ອາ​ຊຽນ. ສອງ​ຝ່າຍ​ສົ່ງ​ເສີມ​ແກ​້​ໄຂ​ບັນ​ດາ​ການ​ຂັດ​ແຍ້ງ​ໂດຍ​ສັນ​ຕິ​ວິ​ທີ. ສອງ​ຝ່າຍ​ໃຫ້​ຄຳ​ໝັ້ນ​ສັນ​ຍາ​ສືບ​ຕໍ່​ຮ່ວມ​ມື​ຢ່າງ​ແຫນ້ນ​ແຟ​້ນ​ນຳ​ກັນ ແລະ ກັບ​ບັນ​ດາ​ປະ​ເທດ​ສະ​ມາ​ຊິກ​ອື່ນ​ຂອງ​ຄະ​ນະ​ກຳ​ມາ​ທິ​ການ​ແມ່​ຂອງ​ສາ​ກົນ, ກົນ​ໄກ​ຮ່ວມ​ມື​ແມ່​ຂອງ - ລ້ານ​ຊ້າງ ແລະ ບັນ​ດາ​ກົນ​ໄກ​ຮ່ວມ​ມື​ແມ່​ຂອງ​ອື່ນ ເພື່ອ​ຮັບ​ປະ​ກັນ​ການ​ຄຸ້ມ​ຄອງ ແລະ ນຳ​ໃຊ້​ແຫລ່ງ​ນ້ຳ ແມ່​ນ້ຳ​ຂອງ​ແບບ​ຍືນ​ຍົງ. ສອງ​ຝ່າຍ​ເຫັນ​ດີ ສົມ​ທົບ​ກັນ​ຈັດ​ຕັ້ງ​ບັນ​ດາ​ການ​ເຄື່ອນ​ໄຫວ​ ສະ​ເຫລີມ​ສະ​ຫລອງ 50 ປີ​ແຫ່ງວັນ​ສ້າງ​ຕັ້ງ​ການ​ພົວ​ພັນ​ທາງ​ການທູດ​ລະ​ຫວ່າງ ຫວຽດ​ນາມ ແລະ ກຳ​ປູ​ເຈຍ (24/6/1967 – 24/6/2017).